________________ 28.] [ श्रीमदागमसुधासिन्धुः षष्ठी विभागा विस्संभरा मूसा मंगुसा पयलाइया छीरविरालिया जहा चउप्पइया, जे यावन्ने तहप्पगारा, ते समासयो दुविहा पन्नत्ता, तंजहा-समुच्छिमा य गम्भवक्कंतिया य, तत्थ णं जे ते संमुन्छिमा ते सव्वे नपुंसगा, तत्थ णं जे ते गम्भवक्कंतिया ते णं तिविहा पत्नत्ता, तंजहा-इत्थी पुरिसा नपुंसगा। एएसि णं एवमाइयाणं पजत्तापजत्ताणं भुयपरिसप्पाणं नव जाइकुलकोडिजोणिपमुहसयसहस्सा भवंतीतिमक्खायं, सेत्तं भुयपरिसप्प-थलयर-पंचिंदियतिरिक्खजोणिया 8 / सेत्तं परिसप्प-थलयर-पंचिंदिय-तिरिक्खजोणिया 1 // सू० 35 // से किं तं खहयर-पंचिंदिय-तिरिक्खजोणिया ?, खहयर पंचिंदियतिरिक्खजोणिया चउब्विहा पन्नत्ता, तंजहा-चम्मपक्खी लोमपक्खी समुग्गपक्खी विययपक्खी 1 / से किं तं चम्मपक्खी ?, चम्मपक्खी अणेगविहा पन्नत्ता, तंजहा-वग्गुली जलोया अडिल्ला भारंडपक्खी जीवंजीवा समुद्दवायसा कराणत्तिया पक्खिबिरालिया, जे यावन्ने तहप्पगारा, सेत्तं चम्मपक्खी 2 / से किं तं लोमपक्खी ?, लोमपक्खी अणेगविहा पन्नत्ता, तंजहा-ढंका कंका कुरला वायसा चक्कागा हंसा कलहंसा रायहंसा पायहंसा बाडा सेडी बगा बलागा पारिप्पवा कोंचा सारसा मेसरा मसूरा मयूरा सत्तहत्था सत्तवच्छा गहरा पोंडरिया कागा कामिंजुया वंजुलगा तित्तिरा वट्टगा लावगा कवोया कविजला पारेवया चिडगा चासा कुक्कुडा सुगा बरहिणा मयणसलागा कोइला सेहा वरिल्लगमाइ, सेत्तं लोमपक्खी 3 / से किं तं समुग्गपक्खी ?, समुग्गपक्खी एगागारा पन्नत्ता, ते णं नत्थि इहं, बाहिरएसु दीवसमुद्दे सु भवंति, सेत्तं समुग्गपक्खी 4 / से किं तं विययपक्खी ?, विययपक्खी एगागारा पन्नत्ता, ते णं नत्थि इहं, बाहिरएसु दीवसमुद्देसु भवंति, सेत्तं विययपक्खी 5 / ते समासयो दुविहा पन्नत्ता, तंजहा-समुच्छिमा य गम्भवक्कंतिया य, तत्थ णं जे ते संमुच्छिमा ते सव्वे नपुंसगा, तत्थ णं जे ते गम्भववतिया ते णं
