________________ 378 ) [ श्रीमदागमसुधासिन्धुः / षष्ठो विभागः वेदेति ?, गोयमा ! जोइसिया दुविहा पन्नत्ता, तंजहा-माइमिच्छदिट्ठिउववराणगा य अमाइसम्मदिट्टीउववरणगा य, तत्थ णं जे ते माइमिच्छद्दिट्टिउववरणगा ते णं अणिदायं वेयणं वेयंति, तत्थ णं जे ते अमाईसम्मदिट्टीउववन्नगा ते णं निदायं वेदणं वेदयंते, से एतेणटेणं गोयमा ! एवं वुञ्चति जोइसिया दुविहंपि वेदणं वंदयंते, एवं वेमाणियावि.७ // सूत्रं 330 // परणवणाए वेयणापयं समत्तं // // इति पञ्चत्रिंशत्तमं पदम् // 35 // // अथ समुद्घाताख्यं षट्त्रिंशत्तमं पदम् // वेयणकसायमरणे वेउब्वियतेयए य श्राहारे। केवलिए. चेव भवे जीवमणुस्साण सत्तेव // 1 // कति णं भंते ! समुग्घाया पन्नत्ता ?, गोयमा ! सत्त समुग्घाया पन्नत्ता, तंजहा-वेदणासमुग्धाते 1 कसायसमुग्धाते 2 मारणंतियसमुग्घाये 3 वेंउब्वियसमुग्घाए 4 तेयासमुग्घाए 5 श्राहारगसमुग्घाए 6 केवलिसमुग्घाते 7, 1 / वेदणासमुग्घाए णं भंते ! कतिसमइए : पन्नत्ते ?, गोयमा ! असंखेजसमइए अंतोमुहुत्तिते पन्नत्ते, एवं जाव अाहारसमुग्घाते 2 / केवलिसमुग्घाए णं भंते ! कतिसमइए पन्नत्ते ?, गोयमा ! अट्ठसमइए पन्नत्ते 3 / नेरइयाणं भंते ! कति समुग्घाया पन्नत्ता ?, गोयमा ! चत्तारि समुग्घाया पन्नत्ता, तंजहां-वेदणासमुग्घाए कसायसमुग्घाए मारणतियसमुग्घाए वेउब्वियसमुग्याए 4 / असुरकुमाराणं भंते ! कति समुग्घाया पन्नत्ता ?, गोयमा! पंच समुग्धाया पन्नत्ता, तंजहा-वेदणासमुग्घाए कसायसमुग्घाए मारणंतियसमुग्घाए वेउब्वियसमुग्घाए तेयासमुग्घाए, एवं जाव थणियकुमाराणं 5 / पुढविकाइयाणं भंते ! कति समुग्घाया पन्नत्ता ?, गोयमा ! तिरिण समुग्घाया पन्नत्ता, तंजहा-वेदणासमुग्घाए कसायसमुग्घाए मारणंतियसमुग्घाए, एवं जाव चारिदियाणं 6 / नवरं वांउकाइयाणं चत्तारि, समुग्घाया पन्नत्ता,
