________________ श्रीमत्प्रज्ञापनोपाङ्ग-सूत्रम् पदं 35 ] [ 377 वेदेति अदुक्खमसुहंपि वेदणं वेदेति एवं जाव वेमाणिया 15 ॥सूत्रं 328 // कतिविहा णं भंते ! वेदणा पत्नत्ता ?, गोयमा ! दुविहा वेयणा पन्नत्ता, तंजहा-अब्भोवगमिया य उवक्कमिया य१ / नेरइया णं भंते ! अब्भोवगमियं वेदणं वेदेति उवक्कमियं वेदणं वेदेति ?, गोयमा ! नो अब्भोवगमियं वेदणं वेदेति उवकमियं वेदणं वेदेति 2 / एवं जाव चारिदिया, पंचिंदियतिरिक्खजोणिया मांसा य दुविहंपि वेदणं वेदेति, वाणमंतरजोतिसियवेमाणिया जहा नेरइया 3 // सूत्रं 321 // कतिविहा णं भंते ! वेदणा पन्नत्ता ?, गोयमा ! दुविहा वेदना पन्नत्ता, तंजहा-निदा य अणिदा य 1 / नेरइया.णं भंते ! किं निदायं वेयणं वेदयंते अणिदायं वेयणं वेदयंते ?, गोयमा ! निदायपि वेयणं वेदयंते अणिदायपि वेदणं वेदयंते 2 / से केपट्टेणं भंते ! एवं वुञ्चति-नेरइया निदायपि अनिदायपि वेयणं वेदयंते ?, गोयमा ! नेरइया दुविहा पन्नत्ता, तंजहा-सराणीभूया य असराणीभूया य, तत्थ णं जे ते सरिणभूया ते णं निदायपि वेदणं वेदयंते, तत्थ णं जे ते असरणीभूता ते णं अणिदायं वेदणं वेदयंते, से तेण?णं गोयमा ! एवं वुचति नेरइया निदायपि वेयणं वेदयंते अणिदायपि वेदणं वेदयंते, एवं जाव थणियकुमारा 3 / पुढविकाइयाणं पुच्छा, गोयमा ! नो निदायं वेदणं वेदयंते अणिदायं वेदणं वेदयंते 4 / से केण?णं भंते ! एवं वुच्चति पुढवीकाइया नो निदायं वेदणं वेदयंते अनिदायं वेदणं वेदयंते ?, गोयमा ! पुढविकाइया सव्वे असरणी असरिणभूयं अणिदायं वेदणं वेदयंते, से तेण?णं गोयमा ! एवं वुचति पुढविकाइया नो निदायं वेदणं वेदयंते, अणिदायं वेदणं वेदयंते, एवं जाव चरिंदिया पंचिंदिय-तिरिक्खजोणिया मासा वाणमंतरा जहा नेरइया 5 / जोइसियाणं पुच्छा, गोयमा ! निदायपि वेयणं वेदयंते अणिदायपि वेयणं वेदयंते / से केणटेणं भंते ! एवं वुचति-जोइसिया निदायपि वेदणं वेदेति अणिदायपि वेयणं
