________________ श्रीमत्प्रज्ञापनोपाङ्ग-सूत्रम् पदं 34 ] [ 373 णियावि, नवरं एगिदियविगलिंदिया णो सम्मत्ताभिगमी मिच्छत्ताभिगमी नो सम्मामिच्छत्ताभिगमी 10 // सूत्रं 321 // देवा णं भंते ! किं सदेवीया सपरियारा सदेवीया अपरियारा अदेवीया सपरियारा अदेवीया अपरियारा ?, गोयमा ! अत्थेगतिया देवा सदेवीया सपरियारा अत्यंगतिया देवा अदेवीया सपरियारा अत्थेगइया देवा अदेविया अपरिचारा नो चेव णं देवा सदेवीया अपरिचारा 1 / से केणढणं भंते ! एवं बुञ्चति-अत्थेगइया देवा सदेवीया सपरिचारा तं चेव जाव नो चेव णं देवा सदेवीया अपरियारा ?. गोयमा ! भवणपति-वाणमंतर-जोतिस-सोहम्मीसाणेसु कप्पेसु देवा सदेवीया सपरियारा, सणंकुमार-माहिंद-बंभलोग-लंतग-महासुक-सहस्सार-श्राणय-पाणय-श्रारणच्चुएसु कप्पेसु देवा अदेवीया सपरिचारा गेवेजअणुत्तरोववइया देवा अदेवीया अपरियारगा, नो चेव णं देवा सदेवीया अपरिचारा, से तेण?णं गोयमा ! एवं वुच्चति अत्थेगइया देवा सदेवीया सपरिचारा तं चेव नो चेव णं देवा सदेवीया अपरियारा 2 // सूत्रं 322 // कतिविहा णं भंते ! परियारणा पन्नत्ता ?, गोयमा ! पंचविहा परियारणा पत्नत्ता, तंजहा-कायपरियारणा फासपरियारणा ख्यपरियारणा सहपरियारणा मणपरियारणा 1 / से केण?णं भंते ! एवं वुचति पंचविहा परियारणा पन्नत्ता, तंजहाकायपरियारणा जाव मणपरियारणा ?, गोयमा ! भवणवइ-वाणमंतर-जोइससोहम्मीसाणेसु कप्पेसु देवा कायपरियारणा सणंकुमार-माहिदेसु कप्पेसु देवा फासपरियारणा बंभलोय-लंतगेसु देवा रूवपरियारणा महासुक-सहस्सारेसु देवा सहपरियारणा श्राणय-पाणय-धारणच्चुएसु कप्पेसु देवा मणपरियारणा, गेवेज-अणुत्तरोववाइया देवा अपरियारगा, से तेणटणं गोयमा ! तं चेव जाव मणपरियारगा 2 / तत्थ णं जे ते कायपरियारगा देवा तेसि णं इच्छामणे समुप्पजति-इच्छामो णं श्रच्छराहिं सद्धिं कायपरियारं करेत्तए, तए णं तेहिं देवेहिं एवं मणसीकए समाणे खिप्पामेव तायो अच्छरायो
