________________ श्रीमत्प्रज्ञापनोपाङ्ग-सूत्रम् :: पदं 7 ] [ 177 उपरिमगेविजगा णं देवा णं भंते ! केवतिकालस्स जाव नीससंति वा ?, गोयमा ! जहन्नेणं चउवीसाए पक्वाणं उक्कोसेणं पणवीसाए पक्खाणं जाव नीससंति वा 22 / मज्झिमहिटिमगेविजगा णं देवा णं भंते ! केवइकालस्स जाव नीससंति वा ?, गोयमा ! जहन्नेणं पणवीसाए पक्खाणं उकोसेणं छव्वीसाए पक्खाणं जाव नीससंति वा 23 / मज्झिममज्झिमगेविजगा णं देवा णं भंते ! केवइकालस्स जाव नीससंति वा ?, गोयमा ! जहन्नेणं छब्बीसाए पक्खाणं उकोसेणं सत्तावीसाए पक्खाणं जाव नीससंति वा 24 / मझिमउवरिमगेविजगा णं देवा णं भंते ! केवइकालस्स जाव नीससंति वा ?, गोयमा ! जहन्नेणं सत्तावीसाए पक्खाणं उकोसेणं अट्ठावीसाए पक्खाणं जाव नीससंति वा 25 / उवरिमहेट्ठिमगेविजगा णं देवा णं भंते! केवइकालस्स जाव नीससंति वा ?, गोयमा ! जहन्नेणं अट्ठावीसाए पक्खाणं उक्कोसेणं एगूणतीसाए पक्खाणं जाव नीससंति वा 26 / उरिममज्झिमगेविजगा णं देवा णं भंते ! केवइकालस्स जाव नीससंति वा ?, गोयमा ! जहन्नेणं एगूणतीसाए पक्खाणं उक्कोसेणं तीसाए पक्खाणं जाव नीससंति वा 27 / उवरिमउवरिमगेविजगाणं देवा णं भंते ! केवइकालस्स जाव नीससंति वा ?, गोयमा ! जहन्नेणं तीसाए पक्खाणं उक्कोसेणं एकतीसाए पक्खाणं जाव नीससंति वा 28 / विजय-विजयंत-जयंत-अपराजितविमाणेसु णं देवा णं भंते ! केवतिकालस्स जाव नीससंति वा ?, गोयमा ! जहन्नेणं एक्कतीसाए पक्खाणं उक्कोसेणं तेत्तीसाए पक्खाणं जाव नीससंति वा 26 / सव्वट्टगसिद्धदेवा णं भंते ! केवतिकालस्स जाव नीससंति वा ?, गोयमा ! अजहन्नमणुकोसेणं तेत्तीसाए पक्खाणं जाव नीससंति वा 30 ॥सूत्रं 146 // इति पनवणाए भगवईए सत्तमं ऊसासपयं समत्तं // // इति सप्तमं पदम् // 7 //
