________________ श्रीमत्प्रज्ञापनोपाङ्ग-सूत्रम् / / पदं 6 ] [ 173 परिनिव्वायंति सव्वदुक्खाणं अंतं करेंति 3 // सूत्रं 142 // वाणमंतरजोइसिय-वेमाणिय-सोहम्मीसाणा य जहा असुरकुमारा नवरं जोइसियाण य वेमाणियाण य चयंतीति अभिलावो कायव्यो 1 / सणंकुमारदेवाणं पुच्छा, गोयमा ! जहा असुरकुमारा नवरं एगिदिएसु ण उववज्जंति 2 / एवं जाव सहस्सारगदेवा, पाणय जाव अणुत्तरोववाइयादेवा एवं चेव, नवरं नो तिरिक्खजोणिएसु उववज्जंति मणुस्सेसु पजत्त-संखेजवासाउय-कम्मभूमगगम्भवक्कंतिय-मणूसेसु उववज्जति 3 / दारं 6 // सूत्रं 143 // नेरइया णं भंते ! कतिभागावसेसाउया परभवियाउयं पकरेंति ?, गोयमा ! नियमा छम्मासावसेसाउया परभवियाउयं पकरेंति एवं असुरकुमारावि, एवं जाव थणियकुमारा 1 / पुढविकाइया णं भंते ! कतिभागावसेसाउया परभवियाउयं पकरेंति ?, गोयमा ! पुढविकाइया दुविहा पन्नत्ता, तंजहा-सोवकमाउया य निरुवकमाउया य, तत्थ गणं जे ते निस्वकमाउया ते नियमा तिभागावसेसाउया परभवियाउयं पकरेंति, तत्थ णं जे ते सोवकमाउया ते सिय तिभागावसेसाउया परभवियाउयं पकरेंति सिय तिभागतिभागावसेसाउया परभवियाउयं पकरेंति सिय तिभागतिभागतिभागावसेसाउया परभवियाउयं पकरेंति 2 / थाउतेउवाउवणप्फइकाइयाणं बेइंदियतेइंदियचउरिदियाणवि एवं चेव 3 / पंचिंदियतिरिक्खजोणियाणं भंते ! कतिभागावसेसाउया परभवियाउयं पकरेंति ?, गोयमा ! पंचिंदियतिरिक्खजोणिया दुविहा पन्नत्ता, तंजहासंखेजवासाउया य असंखेजवासाउया य, तत्थ णं जे ते असंखेजवासाउया ते नियमा छम्मासावसेसाउया परभवियाउयं पकरेंति, तत्थ णं जे ते संखिजवासाउया ते दुविहा पन्नत्ता, तंजहा-सोवकमाउया य निरुवकमाउया य, तत्थ णं जे ते निरुवकमाउया ते नियमा तिभागावसेसाउया परभवियाउयं पकरेंति, तत्थ णं जे ते सोवकमाउया ते णं सिय तिभागे परभवियाउयं पकरेंति सिय तिभागातिभागे परभवियाउयं पकरेंति सिय तिभागतिभागति
