________________ 172 ] [ श्रीमदागमसुधासिन्धुः षष्ठो विभागा भाणियव्वा, एवं श्राउ-वणस्सइ-बेइंदिय-तेइंदिय-चरिदियावि, एवं तेउवाउवि नवरं मणुस्सवज्जेसु उववज्जंति 2 // सूत्रं 140 // पंचिंदियतिरिक्खजोणिया णं भंते ! अणंतरं उव्वट्टित्ता कहिं गच्छंति ? कहिं उववज्जति ? किं नेरइएसु जाव देवेसु उववज्जति ? गोयमा ! नेरइएसु जाव देवेसु उववज्जति 1 / जइ नेरइएसु उववज्जंति किं रयणप्पभापुढविनेरइएसु उववजंति जाव अहेसत्तमापुढविनेरइएसु उववज्जति ?, गोयमा ! रयणप्पभापुढविनेरइएसु उववज्जंति जाव अहेसत्तमापुढविनेरइएसु उववज्जति 2 / जइ तिरिक्खजोणिएसु उववज्जति किं एगिदिएसु जाव पंचिंदिएसु उववज्जति ?, गोयमा ! एगिदिएसु जाव पंचिंदिएसु उववज्जति 3 / एवं जहा एतेसिं चेव उववायो उबट्टणावि तहेव भाणियव्या, नवरं असंखेन्जवासाउएसुवि एते उववज्जति 4 / जइ मणुस्सेसु उववज्जति किं संमुच्छिममणुस्सेसु उववज्जति गम्भवक्कंतियमणूसेसु उववज्जंति ?, गोयमा ! दोसुवि 5 / एवं जहा उववायो तहेव उव्वट्टणावि भाणियव्वा. नवरं अकम्मभूमग० अंतरदीवग० असंखेजवासाउएसुवि एते उववज्जतित्ति भाणियव्वं 6 / जइ देवेसु उववज्जंति किं भवणवईसु उववज्जंति ? जाव किं वेमाणिएसु उववज्जंति ?, गोयमा ! सव्वेसु चेव उववज्जति 7 / जइ भवणवईसु किं असुरकुमारेसु उववज्जति जाव थणियकुमारेसु उववज्जंति ?, गोयमा ! सव्वेसु चेव उववज्जति 8 / एवं वाणमंतरजोइसियवेमाणिएसु निरंतरं उववजंति जाव सहस्सारो कप्पोत्ति 1 // सूत्रं 141 // मणुस्सा णं भंते ! अणंतरं उच्चट्टित्ता कहिं गच्छति ? कहिं उववज्जति ? किं नेरइएसु उववज्जति जाव देवेसु उववज्जति ?, गोयमा ! नेरइएसुवि उववज्जंति जाव देवेसुवि उववज्जति 1 / एवं निरंतरं सव्वेसु ठाणेसु पुच्छा, गोयमा! सब्वेसु ठाणेसु उववज्जति न किंचेवि (कहिंचि) पडिसेहो कायब्वो, जाव सव्वट्ठसिद्धदेवेसुवि उववज्जति 2 / अत्थेगतिया सिझति बुज्झति मुच्चंति
