________________ श्री जीवाजीवाभिगम-सूत्रम् :: अ० 1 प्रतिपत्तिः ] [ 413 पढमसमयणेरतियस्स जहणणेणं दसवाससहस्साइं अंतोमुहुत्तमभहियाई उक्कोसेणं वणसतिकालो, अपढमसमयनेरतियस्स जहराणेणं अंतोमुहत्तं उक्कोस्सेणं वणस्सतिकालो 8 / पढमसमयतिरिखखजोणिए जहरणेगणं दो खुड्डागभवग्गहणाई समऊणाई उकोसेणं वणस्सतिकालो; अपढमसमयतिरिक्खजोणियस्स जहराणेणं खुड्डागं भवग्गहणं समयाहियं उकोसेणं सागरोवमसतपुहुत्तं सातिरेगं 1 / पढमसमयमणुस्सस्स जहराणेणं दो खुड्डाई भवग्गहणाई समऊणाई उक्कोसेणं वणस्सतिकालो, अपढमसमयमणुस्सस्स जहराणेणं खुड्डागं भवग्गहणं समयाहियं उकोसेणं वणस्सतिकालो 10 / देवाणं जहा नेरइयाणं जहराणेणं दसवाससहस्साई अंतोमुहुत्तमब्भहियाई उक्कोसेणं वणस्सइकालो, अपढमसमयदेवाणं जहराणेणं अंतोमुहुत्तं उक्कोसेणं वणस्सइकालो 11 / अप्पाबहुगं एतेसि णं भंते ! पढमसमयनेरझ्याणं जाव पढमसमयदेवाण य कतरे 2 हिंतो अप्पा वा 4 ?, गोयमा ! सव्वत्थोवा पढमसमयमणुस्सा पढमसमयणेरड्या असंखेजगुणा पढमसमयदेवा असंखेजगुणा पढमसमयतिरिक्खजोणिया असंखेजगुणा 12 / अपढमसमयनेरइयाणं जाव अपढमदेवाणं एवं चेव अप्पबहुगं णवरि अपढमसमय-तिरिक्खजोणिया अणंतगुणा 13 / एतेसिं पढमसमयनेरइयाणं अपढमसमयणेरतियाणं कयरे 2 अप्पा वा 4 ?, सव्वत्थोवा पदमसमयणेरतिया अपढमसमयनेरइया असंखेजगुणा, एवं सव्वे 14 / पढमसमयणेरइयाणं जाव अपदमसमयदेवाण य कयरे 2 अप्पा वा 4 ?, सव्वत्थोवा पढमसमयमणुस्सा अपदमसमयमणुस्सा असंखेजगुणा पटमसमयणेरइया असंखिजगुणा पढमसमयदेवा असंखेजगुणा पढमसमयतिरिक्खजोणिया असंखेजगुणा अपढमसमयनेरइया असंखेजगुणा अपढमसमयदेवा असंखेनगुणा अपढमसमयतिरिक्खजोणिया अणंतगुणा 15 / सेत्तं अट्ठविहा संसारसमावराणगा जीवा 16 // सू० 241 // अट्टविहपडिवत्ती समत्ता // // इति सप्तमी प्रतिपत्तिः / / 1-7 //
