________________ 180 } [ श्रीमदागमसुधासिन्धुः / पञ्चमो विभागा पागं धाउपागं सुत्तखेड्डं वट्टखेड्डं खालियाखेड्ड पत्तच्छेज्ज कडगच्छेज्ज सजीवनिजीवं सउणरुयं इति 2 // सू० 211 // तए णं से कलायरिए तं दढपइरागां दारगं लेहाइयायो गणियप्पहाणायो सउण-रुय-पज्जवसाणायो बावत्तरि कलाश्रो सुत्तो य अत्थयो य गंथयो य करणो य सिक्खावेत्ता सेहावेत्ता अम्मापिऊणं उवणेहिंति 1 / तए णं तस्स दढपइराणस्स दारगस्स अम्मापियरो तं कलायरियं विउलेणं असण-पाण-खाइमसाइमेणं वत्थगंधमल्लालंकारेणं सकारिस्संति सम्माणिस्संति विउलं जीवियारिहं पीतिदाणं दलइस्संति विउलं जीवियारिहं पीतिदाणं दलइत्ता पडिविसज्जेहिति 2 // सू० 212 // तए णं से दढपतिराणे दारए उम्मुक्कबालभावे विराणायपरिणयमित्ते जोव्वणगमणुपत्ते बावत्तरिकलापंडिए णवंगसुत्तपडिबोहए अट्ठारसविह-दंसिप्पगार-भासाविसारए गीयरई गंधव्वणट्टकुसले सिंगारागारचारुवेसे संगय-गय-हसिय-भणिय-चिट्ठिय-विलाव-निउण-जुत्तोवयारकुसले हयजोही गयजोही रहजोही बाहुजोही बाहुप्पमद्दी अलंभोगसमत्थे साहस्सीए वियालचारी यावि भविस्सइ ।सू० 213 // तए णं तं दढपइराणं दारगं अम्मापियरो उम्मुकबालभावं जाव वियालचारिं च वियाणित्ता विउलेहिं अन्नभोगेहि य पाणभोगेहि य लेणभोगेहि य वत्थभोगेहि य मयणभोगेहि य उवनिमंतिहिति // सू० 214 // तए णं दढपइराणे दारए तेहिं विउलेहिं अन्नभोएहिं जाव सयणभोगेहिं णो सजिहिति सो गिझिहिति णो मुच्छिहिति णो अभोववजिहिति, से जहा णामए पउमुप्पले ति वा पउमे इ वा जाव सयसहस्सपतेति वा पंके जाते जले संवुड्ढे णोवलिप्पइ पंकरएणं नोवलिप्पइ जलरएणं 1 / एवामेव दढपइराणे वि दारए कामेहिं जाते भोगेहिं संवड्डिए णोवलिप्पिहिति मित्तणाइ-णियग-सयणसंबंधिपरिजणेणं 2 / से णं तथारूवाणं थेराणं अंतिए केवलं बोहिं बुझिहिति केवलं मुंडे भवित्ता अगारात्रो अणगारियं पव्वइस्सति, से णं अणगारे
