________________ 122 ] [ श्रीमदागमसुधासिन्धु :: पश्चमो विभागः गंगापुलिण-वालुयाउद्दालसालिसए सुविरइय-रयत्ताणे उवचिय-खोमदुगुल्लपट्टपडिच्छायणे आईणग-रूय-बूर-णवणीय-तूलफासमउते रत्तंसुयसंयुए सुरम्मे पासादीये जाव पडिरूवे 4 // सू० 127 // तस्स णं देवसयणिजस्स उत्तरपुरस्थिमेणं महेगा मणिपेढिया पराणत्ता, अट्ठ जोयणाई अायामविक्खंभेणं चत्तारि जोषणाई बाहल्लेणं सव्वमणिमयी जाव पडिरूवा 1 / तीसे णं मणिपेढियाए उवरिं एत्थ णं महेगे खुड्डए महिंदज्झए परणत्ते सर्टि जोयणाई उड्डे उच्चत्तेणं जोयणं विखंभेणं वइरामया वट्टलट्ठसंठियसुसिलिट्ठ जाव पडिरूवा 2 / उवरि अट्ठ मंगलगा झया छत्तातिच्छत्ता, तस्स णं खुड्डागमहिंदज्मयस्स पचत्थिमेणं एत्थ णं सूरियाभस्स देवस्स चोप्पाले नाम पहरणकोसे पन्नत्ते सव्ववइरामए अच्छे जाव पडिरूवे 3 / तत्थ णं सूरियाभस्स देवस्स फलिहरयण-खग्ग-गयाघणुप्पमुहा बहवे पहरणरयणा संनिखित्ता चिठंति, उज्जला निसिया सुतिक्खधारा पासादीया जाव पडिरूवा 4 / सभाए णं सुहम्माए उवरि अट्ठ मंगलगा झया छत्तातिच्छत्ता 5 // सू० 128 // ___सभाए णं सुहम्माए उत्तरपुरथिमेणं एत्थ णं महेगे सिद्धायतणे पराणत्ते, एगं जोयणसयं पायामेणं पन्नासं जोयणाई विक्खंभेणं बावत्तरि जोयणाई उड्ड उच्चत्तेणं सभागमएणं जाव गोमाणसियायो भूमिभागा उल्लोया तहेव 1 / तस्स णं सिद्धायतणस्स बहुमज्झदेसभाए एत्थ णं महेगा मणिपेढिया पराणत्ता, सोलस जोयणाई यायामविक्खंभेणं अट्ठ जोयणाई बाहल्लेणं 2 / तीसे णं मणिपेढियाए उवरिं एत्थ णं महेगे देवच्छंदए परागत्ते, सोलस जोयणाई आयामविक्खंभेणं साइरेगाइं सोलस जोयणाई उ8 उच्चत्तेणं सव्वरयणामए जाव पडिरूवे 3 / एत्थ णं अट्ठसयं जिणपडिमाणं जिणुस्सेहप्पमाणमित्ताणं संनिखित्तं संचिट्ठति, तासि णं जिणपडि. माणं इमेयारूवे वराणावासे पराणत्ते, तंजहा-तवणिजमया हत्थतल-पायतला,
