________________ श्रीराजप्रश्नीय-सूत्रम् ] [ 103 य देवकुमारियायो य चउव्विहं गेयं गायति तंजहा-उक्खित्तं पायंतं मंदायं रोइयावसाणं च ॥सू०८६॥ तए णं ते बहवे देवकुमारा य देवकुमारियायो य चउन्विहं णट्टविहिं उवदंसंति, तंजहा-अंचियं रिभियं धारभडं भसोलं च // सू० 87 // तए णं ते बहवे देवकुमारा य देवकुमारियायो य चउविहं अभिणयं अभिणयति, तंजहा-दिट्ठतियं पाडियंतियं (पाडियं) सामनोविणिवाइयं अंतोमज्झावसाणियं च // सू० 88 // तए णं ते बहवे देवकुमारा य देवकुमारियायो य गोयमादियाणं समणाणं निग्गंथाणं दिव्वं देविढेि दिव्वं देवजुति दिव्वं देवाणुभावं दिव्वं बत्तीसइबद्धं नाडयं उवदंसित्ता समणं भगवंतं महावीरं तिक्खुत्तो पायाहिणपयाहिणं करेंति करित्ता वंदंति नमसंति वंदित्ता नमंसित्ता जेणेव सूरियाभे देवे तेणेव उवागच्छति उवासित्ता सूरियाभं देवं करयलपरिग्गहियं सिरसावत्तं मत्थए अंजलिं कटु जएणं विजएणं वद्धाति वद्धावित्ता एवं प्राणत्तियं पञ्चप्पिणंति 1 / तए. णं से सूरियाभे देवे तं दिव्वं देविढि दिव्वं देवजुई. दिव्वं देवाणुभावं पडिसाहरइ पडिसाहरेत्ता खणेणं जाते एगे एगभूए 2 / तए णं से सूरियामे देवे समणं भगवंतं महावीरं तिक्खुत्तो पायाहिणपयाहिणं करेइ वंदति नमंसति वंदित्ता नमंसित्ता नियगपरिवालसद्धिं संपरिखुडे तमेव दिव्वं जाणविमाणं दुरूहति दुरूहित्ता जामेव दिसिं पाउब्भूए तामेव दिसि पडिगए 3 ॥सू०८६ // . भंते त्ति भयवं गोयमे समणं भगवंतं महावीरं वंदति नमंप्सति वंदित्वा नमंसित्ता एवं वयासी-॥ सू० 10 // सूरियाभस्सणं भंते ! देवस्स एसा दिवा देविट्ठी दिव्वा देवज्जुती दिव्वे देवाणुभावे कहिं गते कहिं अगुप्पविट्ठ ? // सू० 1.1 ॥गोयमा ! सरीरं गते सरीरं अणुप्पविट्ठ। सू०१२ // से केण?णं भंते ! एवं वुचइ-सरीरं गते सरीरं अणुप्पवि? ? ॥सू० 13 // गोयमा ! से जहा नाम ए कूडागारसाला सिया दुहतो लित्ता गुत्ता गुत्तदुवारा णिवाया णिवायगंभीरा, तीसे णं कूडागारसालाते अदूरसामते एत्थ
