________________ 48 ] [ श्रीमदागमसुधासिन्धुः :: चतुर्थो विभागः किमंग पुण तुमं मेहा ! इयाणि विपुलकुल-समुभवेणं निरुवहय-सरीर. दंत(पत्त)लद्धपंचिंदिएणं एवं उट्ठाण-बल-वीरिय-पुरिसगार-परक्कममंजुत्तेणं मम अंतिए मुंडे भवित्ता श्रागारातो अणगारियं पव्वतिए समाणे समणाणं निग्गंथाणं रायो पुव्वरत्तावरत्त-कालसमयंसि वायणाए जाव धम्माणुयोगचिंताए य उचाररस वा पासवणस्स वा अनिगच्छमाणाण यनिग्गन्छमाणाण य हत्थसंघट्टणाणि य पारसंघट्टणाणि य जाव रयरेणुगुडणाणि य नो सम्म सहसि खमसि तितिक्खसि अहियासेसि ? 1 / तते णं तस्स मेहस्स अणुगारस्स समणस्स भगवतो महावीरस्स अंतिए एतमटुं सोचा णिसम्म सुभेहिं परिणामेहिं पसत्थेहिं अज्झवसाणेहिं लेस्साहिं विसुज्भमाणीहि तयावरणिजाणं कम्माणं खयोवसमेणं ईहावू(पो)ह-मग्गण-गवेसणं करेमाणस्स सन्निपुब्वे जातीसरणे समुष्पन्ने, एतमट्ठ सम्मं अभिसमेति 2 / तते णं से मेहे कुमारे समणेणं भगवया महावीरेणं संभारियफुव्व-(भवे)जातीसंभरणे दुगुणाणीयसंवेगे पाणंदयंसुपुन्नमुहे हरिसवसेणं धाराहयकदंबकं पिव समुस्ससितरोमकूवे समणं भगवं महावीरं वंदति नमंसति 2 ता एवं वदासी-ग्रजपभिती णं भंते ! मम दो अच्छीणि मोत्तॄणं अवसेसे काए समणाणं णिग्गंथाणं निस?त्तिकट्टु पुणरवि समणं भगवं महावीरं वदति नमंसति 2 एवं वदासी-इच्छामि णं भंते ! इयाणिं दोच्चपि सयमेव पव्वावियं सयमेव मुंडावियं जाव सयमेव अायारगोयरं जायामायावत्तियं धम्ममातिक्खह 3 / तएणं समणे भगवं महावीरे मेहं कुमारं सयमेव पवावेइ जाव जायामायावत्तियं धम्ममाइक्खइ, एवं देवाणुप्पिया ! गन्तव्वं एवं चिट्ठियत्वं एवं णिसीयव्वं एवं तुयट्टियव्व एवं भुजियव्वं भासियध्वं उट्ठाय 2 पाणाणं भूयाणं जीवाणं सत्ताणं संजमेणं संजमितव्वं, तते णं से मेहे समणस्स भगवतो महावीरस्स अयमेयावं धम्मियं उवएसं सम्म पडिच्छति 2 तह चिट्ठति जाव संजमेणं संजमति, तते णं से मेहे अणगारे जाए ईरियासमिए अणगारवन्नो भाणियन्वो 4 /
