________________ श्रीज्ञाताधर्मकथाङ्ग-सूत्रम् / अध्ययनं 1 ] [ 47 अन्नेहिं बलवन्तेहिं सत्तेहिं पणोलिजमाणे 2 ससए अणुपवि? 23 / तते णं तुमं मेहा ! गायं कंडुइत्ता पुणरवि पायं पडिनिक्सविस्सामित्तिकटुतं ससयं अणुपविट्ठपाससि 2 पाणाणुकंपयाए भूयाणुकंपाए जीवाणुकंपाए सत्ताणुकंपयाए सो पाए अंतरा चेव संधारिए, नो चेव णं णिक्खित्ते, तते णं तुम मेहा ! ताए पाणाणुकंपयाए जाव सत्ताणुकंपयाए संसारे परित्तीकत्ते माणुस्साउए निबद्धे 24 / तते णं वणदवे अड्डातिजाति रातिदियाइं तं वणं झामेइ 2 निट्ठिए उवरए उवसंते विज्माए यावि होत्या, तते णं ते बहवे सीहा य जाव चिल्लला य तं वणदवं निट्ठियं जाव विज्झायत्ति पासंति 2 ता अग्गिभयविप्पमुक्का तराहाए य छुहाए य परब्भाहया समाणा मंडलातो पडिनिक्खमंति 2 सव्वतो समंता विप्पसरित्था, [तए णं ते बहवे हस्थि जाव छुहाए य पररुभाहया समाणा तयो मंडलायो पडिनिवखमंति 2 दिसो दिसि विप्पसरित्था,] 25 / तए णं तुमं मेहा ! जुन्ने जराजजरियदेहे सिढिल-वलित-यापिणद्धगत्ते दुब्बले किलते जुजिए पिवासिते अत्थामे अबले अपरक्कमे अचंकमणो वा ठाणुखंडे वेगेण विप्पसरिस्सामित्तिकटु पाए पसारेमाणे विज्जुहते विव रयतगिरिपब्भारे धरणितलंसि सव्वंगेहि य सन्निवइए, तते णं तव मेहा ! सरीरगंसि वेयणा पाउब्भूता उजला जाव दाहवक्कंतिए यावि विहरसि, तते णं तुम मेहा ! तं उज्जलं जाव दुरहियासं तिन्नि राइंदियाइं वेयणं वेएमाणे विहरित्ता एगं वाससंतं परमाउं पालइत्ता इहेव जंबुद्दीवे 2 भारहे वासे रायगिहे नयरे सेणितस्स रनो धारिणीए देवीए कुच्छिसि कुमारत्ताए पञ्चायाए 26 // सूत्रं 32 // तते णं तुमं मेहा ! आणुपुव्वेणं गम्भवासायो निक्खते समाणे उम्मुक्कबालभावे जोव्वणगमणुपत्ते मम अंतिए मुंडे भवित्ता श्रागाराग्रो अणगारियं पव्वइए, तं जति जाव तुमे मेहा ! तिरिक्ख-जोणिय-भावमुवगएणं अपडिलद्ध-संमत्तरयणलंभेणं से पाणे (पाये) पाणाणुकंपयाए जाव अंतरा चेव संधारिते नो चेव णं निक्खित्ते
