________________ श्रीमत्प्ररनव्याकरणदशाङ्ग-स्त्रम् // अध्ययनं 10 ] [ 421. उजु(ज्जु)ते, संजए, सुसाहू, सरणं सव्वभूयाणं, सव्वजगवच्छले, सच्चभासके, य संसारंत-ट्टिते, य संसार-समुच्छिन्ने, सततं मरणाणुपारते, पारगे य सव्वेसिं संसयाणां, पवयणमायाहिं अट्ठहिं अट्ठकम्म-गंठी-विमोयके, अट्ठमयमहणे, ससमयकुसले य भवति 1 / सुहदुक्ख-निव्विसेसे, अभितर-बाहिरंमि सया तवोवहागांमि य सुट्ठज्जुते, खते, दंते य हिय(धिइ)निरते, ईरियासमिते, भासासमिते एसणासमिते, यायाण-भंड-मत्त-निक्खेवणासमिते, उच्चारपासवण-खेल सिंघाण-जल-पारिट्ठावणियासमिते, मणगुत्ते वयगुत्ते, कायगुत्ते; गुतिंदिए, गुत्तभयारी, चाई, सज्जू, धन्ने, तवस्सी, खंतिखमे, जितिदिए, सोधिए अणियाणे, अबहिल्लेसे, अममे, अकिंचणे, छिन्नग्गंथे (छिन्नसोये, छिन्नसोए) निरुवलेवे, सुविमल-वर कंस-भायणं व मुकतोए, संखेविव निरंजणे, विगय-राग-दोस-मोहे, कुम्मो इव इंदिएसु गुत्ते, जन्चकंचणगंव जायस्वे, पोक्खरपत्तं व निरुवलेवे, चंदो इव सोमयाए(सोमभावयाए) सूरो व दित्ततेए, अचले जह मंदरे गिरिवरे, अक्खोभे सागरो व्व थिमिए, पुढवी व सवफाससहे, तवसा चिय भासरासिछन्निव्व जाततेए, जलियडयासणों विव तेयसा जलंते, गोसीस-चंदणंपिव सीयले, सुगंधे य, हरयो विव समियभावे, उग्घोसिय-सुनिम्मलं व श्रायंसमंडलतलं व पागडभावेण सुद्धभावे, सोंडीरे कुंजरोव्व, वसभेव्व जायथामे, सीहे वा जहा मिगाहिवे होति दुप्पधरिसे, सारयसलिलं व सुद्धहियये, भारंडे चेव अप्पमत्ते, खग्गिविसाणं व एगजाते, खाणु चेव उड्डकाए, सुन्नागारेव्व अप्पडिकम्मे, सुन्नागारावणस्संतो निवाय-सरण-प्पदीय-ज्माणमिव निप्पकंपे, जहा खुरो चेत्र एगधारे, जहा अही चेव एगदिट्टी, श्रागासं चेव निरालंबे, विहगे विव सव्वो विप्पमुक्के, कयपरनिलए जहा चेव उरए, अप्पडिबद्धे अनिलोव, जीवोव अप्पडिहयगती, गामे गामे एकरायं नगरे नगरे य पंचरायं दूइज्जते य जितिदिए, जितपरीसहे, निभयो विऊ(विसुद्धे)
