________________ 420 ] . . [ श्रीमदानमसुधासिन्धुः / चतुर्थो विभागः पुन्नपगडं समण-वणीमगट्टयाए वा कयं, पच्छाकम्मं, पुरेकम्म, नितिकम्म, मक्खियं, अतिरित्तं, मोहरं चेव सयग्गहमाहडं, मट्टिउवलितं, अच्छेज्ज चेव अणीसटुंजं तं तिहीसु जन्नेसु ऊसवेसु य अंतो वा बहिं व होज़ समणट्ठयाए उवियं हिंसासावज-संपउत्तं न कप्पती तंपिय परिघेत्तु / / अह केरिसयं पुणाइ कप्पति ?, जं तं एकारस-पिंडवायसुद्धं, किणण-हणणपयण-कयकारियाणुमोयण-तक्कोडीहिं सुपरिसुद्धं, दसहि य . दोसेहिं विप्पमुक्कं, उग्गम-उप्पायणेसणाए सुद्धं, ववगय-चुय-चविय-चत्तदेहं च फासुयं ववगय-संजोग-मणिगालं, विगयधूम, छट्टाणनिमित्तं, छकायपरिरक्खणट्ठा हणिं हणिं फासुकेण भिक्खेण वट्टियव्वं 6 / जंपिय समणस्स सुविहियस्स उ रोगायंके बहुप्पकारंमि सम्मुप्पन्न वाताहिक-पित्तसिंभाइरित्त-कुविय तह सन्निवातजाते, व उदयपत्ते, उज्जल-बल-विउलकक्खड-पगाढदुक्खे, असुभ-काय फरुसे, चंड-फलविवागे, महब्भए जीवियंतकरणे, सव्व-सरीर-परितावणकरे 7 / न कप्पती तारिसेवि तह अप्पणो परस्त वा श्रोसहभेसज्जं भत्तपाणं च तंपि संनिहिकयं, जंपिय समणस्स सुविहियस्स तु पडिग्गहधारिस्स भवति भायण-भंडोवहिउवकरणं पडिग्गहो पादपंधणं पादकेसरिया पादठवणां च पडलाई तिन्नेव रयत्ताणां च गोच्छो तिन्नेव य पञ्च वा रयोहरण-चोलपट्टक-मुहगांतकमादीयं, एयपि य संजमस्स उबवूहणट्ठयाए वायायवदंस-मसग-सीय-परिरक्खणट्ठयाए उवगरणां रागदोसरहियं परिहरिय-वं संजएण णिच पडिलेहण-पष्फोडण-पमजणाए अहो य रायो य अप्पमत्तेण होइ सततं निक्खिवियध्वं च गिरिहयव्वं च भायणभंडोवहि उवकरणं 8 / एवं से संजते, विमुत्ते, निस्संगे, निप्परिग्गहरुई, निम्ममे, निन्नेहबंधणे, सव्वपावविरते, वासीचंदणसमाणकप्पे, सम-तिणमणि-मुत्ता-लेट्ठ-कंचणे, समे य माणावमाणणाए समियरते, समितरागदोसे, समिए, समितीसु सम्मदिट्ठी समे य जे सबपाणभूतेसु से हु समणे, सुयधारते,
