________________ श्रीमत्मरनव्याकरणदशाङ्ग सूत्रम् :: अध्ययनं 7 ] भाति, एयं नायमुणिणा भगवया पनवियं परूवियं पसिद्ध सिद्धं, सिद्धवरसासणमिणं, श्राघवितं, सुदेसितं, पसत्थं, पढमं संवरदारं समत्तं ति बेमि 1, 6 // सूत्रं 23 // ॥इति षष्ठं अध्ययनम् // 6 // // अथ द्वितीयसंवर-सत्याख्यं सप्तमध्ययनम् / / जंबू ! वितियं च सच्चवयणं सुद्धं, सुचियं, सिवं, सुजाय, सुभासियं, सुव्वयं, सुकहियं, सुदिटुं, सुपतिट्ठियं, सुपइट्ठियजसं, सुसंजमियवयणबुइयं, सुरवर--नरवसभ-पवरबलवग-सुविहियजणबहुमयं, परम-साहुधम्म-चरणं, तवनियम-परिग्गहियं, सुगतिपहदेसकं, च लोगुत्तमं वयमिणं 1 / विजाहर. गगण-गमण-विजाण-साहकं सग्गमग्ग-सिद्धिपह-देसकं, वितहं तं सच्चं 2 / उज्जुयं, अकुडिलं, भूयत्थं अस्थतो, विसुद्धं, उज्जोयकर, पभासक भवति सव्वभावाण जीवलोगे 3 / अविसंवादि, जहत्थमधुरं पञ्चक्खं दयिवयंव जंतं अच्छेरकारकं अवत्यंतरेसु बहुएसु माणुसाणं 4 / सच्चेण महासमुहमज्झवि मूढाणियावि पोया सच्चेण य उदगसंभमंमिवि न वुझति, न य मरंति थाहं ते लभंति 5 / सच्चेण य अगणिसंभमंमिवि न डझति उज्जुगा मणूसा 6 / सञ्चण य तत्ततेल-तउ-लोह-सीसकाई विवंति धरेंति न य डझति मणूसा 7 / पव्वय-कडकाहिं मुच्च ते न य मरंति सचेण य परिग्गहिया 8 / असिपंजरगया समराथोवि पिईति श्रणहा य सञ्चवादी 1 / वह बंधभियोग-वेरघोरेहिं पमुच्चति य अमित्तमज्झाहिं निइंति अणहा य सञ्चवादी 10 / सादेवाणि (सरिणज्झाणिवि) य देवयाो करेंति सच्चवयणे रताणं 11 / तं सच्च भगवं तित्थकर-सुभासियं दसविहं, चोहसपुव्वीहिं पाहुडस्थविदितं, महरिसीण य समयप्पइन्नं (महरिसिसमय-पइन्नचिन्न), देविंद-नरिंद भासियत्थं, वेमाणिय-साहियं, महत्थं,
