________________ 378 ] ' - [ श्रीमदागमसुधासिन्धुः / चतुर्थो विभागः साहिति तकराणं, गामागरनगरपट्टणे य साहिति चारियाणं, पारघाइयपंथवातियायो साहति य गंठिभेयाणं, कयं च चोरियं नगरगोत्तियाणं 11 / लंकण-निलंछण-धमण-दुहण-पोसण-वणण-दवण-वाहणादियाइं साहिति बहूणि गोमियाणं धातुमणिसिल-प्पवाल-रयणागरे य साहिति अागरीणं पुप्फविहिं फलविहिं च साहिति मालियाणं, अग्धमहुकोसए य साहिति वणचराणं 12 / जंताई विसाई मूलकम्मं श्रोहेव(हिव्व)ण(प्राविंधण) अाभियोग-मंतोसहिप्पयोगे चोरियपरदारगमण-बहुपावकम्मकरणं उक्खंधे गामघातियायो वणदहण-तलागभेयणाणि बुद्धिविसविणासणाणि वसीकरणमादियाइं भयमरण-किलेसदोस-जणणाणि भावबहुसंकिलिट्ठमलिणाणि भूतघातोवघातियाइं सच्चाईपि ताइं हिंसकाइं वयगणाई उदाहरंति, पुट्ठा वा अपुटा वा परतत्तियवावडा य असमिक्खियभासिणो 13 / उवदिसंति सहसा उट्टा, गोणा, गवया दमंतु परिणयवया, अस्सा हत्थी गवेलगकुक्कुडा य किज्जंतु, किणावेध य विक्केह पयह य सयणस्स देह पियय(खादत पिबत दत्त य) दासिदासभयकभाइलका, य सिस्सा य, पेसकजणो, कम्मकरा य, किंकरा य, एए सयणपरिजणो य कीस अच्छंति, भारिया मे करित्तु कम्मं गहणाई वणाई खेत्तखिलभूमिवल्लराइं (छिन्दाखिलभूमिवल्लराणि) उत्तणघणसंकडाई डझंतु सुडिज्जंतु य वखा भिज्जंतु जंतभंडाइयस्स उवहिस्स कारणाए बहुविहस्स य अट्टाए उच्छु दुज्जंतु पीलिज्जंतु य तिला, पयावेह य इट्टकाउ, मम घरट्ठयाए खेत्ताई कसह कसावेह य, लहुँ गाम-यागर-नगर-खेडकब्बडे निवेसेह अडवीदेसेसु विपुलसीमे, पुष्पाणि य फलाणि य कंदमूलाई कालपत्ताई गेराहेह, करेह संचयं परिजणट्टयाए, साली कीही जवा य लुच्चंतु मलिज्जंतु उप्पणिज्जंतु य लहूं च पविसंतु य कोट्ठागारं, अप्पमहउक्कोसगा य हंमंतु, पोयसत्था सेणा णिजाउ, जाउ डमरं, घोरा वट्टतु च संगामा, पवहंतु य सगडवाहणाई,
