________________ 334 / [ श्रीमदागमसुधासिन्धु :: चतुर्थो विभागः बंधुमतीते भारियाए सद्धिं पुप्फुच्चयं करेति, तते णं तीसे ललियाते गोट्टीते छ गोहिला पुरिसा जेणेव मोग्गरपाणिस्स जवखरस जक्खाययणे तेणेव उवागता अभिरममाणा चिठंति, तते णं से अज्जुणते मालागारे बंधुमतीए भारियाए सद्धिं पुप्फुच्चयं करेति पच्छियं भरेति / अग्गाति वरातिं, पुष्फातिं गहाय जेणेव मोग्गरपाणिस्स जक्खस्स जक्खाययणे तेणेव उवागच्छति, तते णं छ गोहिला पुरिसा अज्जुणयं मालागारं बंधुमतीए भारियाए सद्धिं एजमाणं पासंति 2 अन्नमन्नं एवं वयासि-एस णं देवाणुप्पिया ! अज्जुणते मालागारे बंधुमतीते भारियाते सद्धिं इहं हव्वमागच्छति, तं सेयं खलु देवाणुप्पिया ! अम्हं अज्जुणयं मालागारं अवश्रोडयवंधणयं करेत्ता बंधुमतीते भारियाए सद्धिं विपुलाई भोगभोगाइं भुजमाणाणं विहरित्तएत्तिकटु एयमटुं अनमन्नस्स पडिसुणेति 2 कवाडंतरेसु निलुक्कंति निचला निफंदा तुसिणीया पच्छराणा चिट्ठति 2 / तते णं से अज्जुणते मालागारे बंधुमतिभारियाते सद्धिं जेणेव मोग्गरजक्खाययणे तेणेव उवागछति 2 पालोए पणामं करेति महरिहं पुष्फचणं करेति जंनुपायपडिए पणामं करेति, तते णं छ गोटेल्ला पुरिसा दवदवस्स कवाडंतरेहिंतो णिग्गच्छति 2 अज्जुणयं मालागारं गेराहंति 2 अवथोडगबंधणं करेंति, बंधुमतिए मालागारीए सद्धिं विपुलाई भोगभोगाई भुजमाणा विहरंति 3 / तते णं तस्स अज्जुणयस्स मालागारस्स अयमज्झथिए 4, एवं खलु अहं बालप्पभितिं चेव मोग्गरपाणिस्स भगवयो कलाकल्लिं जाव कप्पेमाणे विहरामि, तं जति णं मोग्गरपाणिजक्खे इह संनिहिते होंते से णं किं ममं एयारूवं श्रावई पावेजमाणं पासते ? तं नत्थि णं मोग्गरपाणी जक्खे इह संनिहिते, सुव्वत्तं णं (सुव्वत्तणं) एस कट्ठ, तते णं से मोग्गरपाणी जवखे अज्जुणयस्स मालागारस्स अयमेयारुवं अब्भत्थियं जाव वियाणेत्ता अज्जुणयस्स मालागारस्सं सरीरयं
