________________ [ श्रीमदागमसुधासिन्धुः / चतुर्थो विमागः 'चउरासीइवाससहस्सटिइएसु नेरइएसु नेरइयत्ताए उववन्ना 3 // सू० 52 // ..... ते गां काले गां ते गां समए गां समणे भगवं महावीरे समोसरणां जाव परिसा पडिगया, गोयमाइ समणे भगवं महावीरे एवं वयासी-एवं खलु गोयमा ! इहेव रायगिहे नयरे ममं अन्तेवासी महासयए नाम समणोवासए पोसहसालाए अपच्छिम-मारणन्तिय-संलेहणाए झूसियसरीरे (संलेहणा-भूसणा-झूसियसरीरे) भत्तपाण-पडियाइक्खिए कालं अणवकङ्खमाणे विहरइ 1 / तए गां तस्स महासयगस्स रेवई गाहावइणी मत्ता जाव विकड्ड माणी 2 जेणेव पोसहसाला जेणेव महासयए तेणेव उवागच्छइ 2 मोहुम्माय जाव एवं वयासी-तहेव जाव दोच्चंपि तच्चंपि एवं वयासी . 2 / तए णं से महासयए समणोवासए रेवइए गाहावइणीए दोच्चपि तच्चंपि एवं वुत्ते समाणे श्रासुरुते 4 श्रोहिं पउंजइ 2 श्रोहिंणा श्राभोएइ 2 रेवई गाहावइणिं एवं वयासी-जाव उववन्जिहिसि, नो णलु कप्पइ गोयमा ! समणोवासगस्स अपच्छिम जाव मुसियसरीरस्स भत्तपाणपडियाइक्खियस्स परो सन्तेहिं तच्चेहि तहिएहिं सब्भूएहिं अणिंटेहिं अकन्तेहिं अप्पिएहिं अमणुराणेहिं श्रमणामेहिं वागरणेहिं वागररित्नए, तं गच्छ णं देवाणु. प्पिया ! तुमं महासययं समणोवासयं एवं वयाहि-नो खलु देवाणुप्पिया ! कप्पइ समणोवासगस्स अपच्छिम जाव भत्तपाणपडियाइक्खियस्स परो सन्तेहिं जाव वागरित्तए, तुमे य णं देवाणुप्पिया ! रेखई गाहावइणी सन्तेहिं. 4 अणि?हिं 6 वागरणेहिं वागरिया, तं णं तुमं एयस्स ठाणस्स श्रालोएहि जाव जहारिहं च पायच्छित्तं पडिवजाहि 3 / तए णं से भगवं गोयमे समणस्त भगवयो महावीरस्स तहत्ति एयमट्ट विणएणं पडिसुणेइ 2 तो पडिणिक्खमइ 2 रायगिहं नयरं मझमज्झेणं अणुप्पविसइ 2. जेणेव महासयगस्स समणोवासयस्स गिहे जेणेव महासयए समणोवासए. तेणेव उवागच्छइ, तए णं से महासयए समयोवासए भगवं गोयम एजमाणं पासइ
