________________ श्रीमदुपासकदशाङ्ग-सूत्रम् :: अध्ययनं 1 ] [ 267 ताहारे सचित्तपडिबद्धाहारे अप्पउलियोसहिभक्खणया दुप्पउलियोसहिभक्खणया तुच्छोसहिभक्खणया, कम्मो णं समणोवासएणं पणरस कम्मादाणाइं जाणियब्वाइं न समायरिपब्वाई, तंजहा-इङ्गालकम्मे वणक्कम्मे साडीकम्मे भाडीकम्मे फोडीकम्मे, दन्तवाणिज्जे लक्खवाणिज्जे रसवाणिज्जे विसवाणिज्जे केसवाणिज्जे, जन्तपीलणकम्मे निल्लन्छणकम्मे दवग्गिदावणया सरदहतलाव(गपरि)-सोसणया असईजणपोसणया 7 / तयाणन्तरं च णं अणट्ठादराडवेरमणस्स समणोवासएणं पञ्च अइयारा जाणियव्वा न समायरियव्वा, तंजहा-कन्दप्पे कुक्कुइए मोहरिए सरजुत्ताहिगरणे उवभोगपरिभोगाइरित्तेक / तयाणन्तरं च णं सामाइयस्स समणोवासएणं पञ्च अइयारा जाणियब्वान समायरियव्वा, तंजहा-मणदुप्पणिहाणे वयदुप्पणिहाणे कायदुप्पणिहाणे सामाइयस्स सइअकरणया सामाइयत्स अणवट्ठियस्स करणया १।तयाणन्तरं च णं देसावगासियस्स समणोवासएणं पञ्च अइयारा जाणियया न समायरियबा, तंजहा-याणवणप्पयोगे पेसवणप्पयोगे सदाणुवाए रूवाणुवाए बहिया पोग्गलपक्खेवे 10 / तयाणन्तरं च णं पोसहोववासस्स समणोवासएणं पञ्च अइयारा जाणियब्वा, न समायरियव्वा, तंजहा-अप्पडिलेहिय-दुष्पडिलेहिय-सिज्जासंथारे अप्पमजिय-दुप्पमजिय-सिज्जासंथारे अप्पडिलेहिय-दुप्पडिलेहिय-उच्चारपासवणभूमी अप्पमन्जिय-दुप्पमज्जिय-उच्चारपासवणभूमी पोसहोववासस्स सम्म अणणुपालणया 11 / तयाणन्तरं च णं ग्रहा(अतिहि)संविभागस्स समणोवासएणं पञ्च अइयारा जाणियब्वा न समायरियव्वा, तजहा-सचित्तनिक्खेवणया सचित्तपिहणया कालाइक्कमे परववदेसे मच्छरिया 12 / तयाणन्तरं च णं अपच्छिममारणन्तिय-संलेहणाझूसणाराहणाए पञ्च अइयारा जाणियव्वा, न समायरियव्वा तंजहा-इहलोगासंसप्पयोगे परलोगासंसप्पयोगे जीवियासंसप्पयोगे मरणासंसप्पयोगे कामभोगासंसप्पश्रोगे 13 // सू० 7 //
