________________ 264 ] [ श्रीमदागमसुधासिन्धुः / चतुर्थो विभागः राणविहिं पञ्चक्खामि (3), 5 / तयाणन्तरं च णं चउप्पयविहि-परिमाणं करेइ, नन्नत्थ चाहिं वएहिं दसगोसाहस्सिएणं वएणं, अवसेसं सव्वं चउप्पयविहिं पञ्चक्खामि (3), 6 / तयाणन्तरं च णं खेत्तवत्थुविहि-परिमाणं करेइ, नन्नत्थ पञ्चहिँ हलसएहिं नियत्तणसइएणं हलेणं, अवसेसं सव्वं खेत्तवत्थुविहिं पञ्चक्खामि (3), 7 / तयाणन्तरं च णं सगडविहिपरिमाणं करेइ, नन्नत्य पञ्चहिं सगडसएहिं दिसायत्तिएहिं पञ्चहिं सगडसएहिं संवाहणिएहिं, अवसेसं सव्वं सगडविहिं पञ्चक्खामि (3), 8 ।तयाणन्तरं च णं वाहणविहि-परिमाणं करेइ, नन्नत्थ चउहिं वाहणेहिं दिसायत्तिएहिं चउहिं वाहणेहिं संवाहणिएहिं, अवसेसं सव्वं बाहणविहिं पञ्चक्खामि (3), 1 / तयाणन्तरं च णं उवभोग-परिभोगविहिं पञ्चक्खाएमाणे उल्लणिया-विहिपरिमाणं करेइ, नन्नत्थ एगाए गन्धकासाईए, अवसेसं सव्वं उल्लणियाविहिं पञ्चक्खामि (3), 10 / तयाणन्तरं च णं दन्तवण-विहिपरिमाणं करेइ, ननत्थ ऐगेणं अल्ललट्ठी-महुएणं, अवसेसं दन्तवणविहिं पञ्चक्खामि (3), 11 / तयाणन्तरं च फलविहिपरिमाणं करेइ, नन्नत्थ एगेणं खीरामलएणं, श्रवसेसं फलविहिं पञ्चक्खामि (3), 12 / तयाणन्तरं च णं अभङ्गण'विहिंपरिमाणं करेइ, नन्नत्थ सयपाग-सहस्सपागेहिं तेल्लेहिं, अवसेसं अभङ्गणविहिं पचक्खामि (3), 13 / तयाणन्तरं च णं उबट्टणा-विहिपरिमाणं करेइ, नन्नत्थ एगेणं सुरहिणा गग्धट्टएणं, अवसेसं उव्वट्टणाविहिं पच्चक्खामि (3), 14 / तयाणन्तरं च णं मजण-विहिपरिमाणां करेइ, ननत्य अट्ठहिं उट्टिएहिं उदगस्स घडएहि, अवसेसं मजणविहिं पञ्चक्खामि (3), 15 / तयाणन्तरं च णं वत्थविहिपरिमाणं करेइ, नन्नत्थ एगेणं - खोमजुयलेणं, अवसेसं वत्थविहिं पञ्चक्खामि (3), 16 / तयाणन्तरं च णं विलेवणविहिपरिमाणं करेइ, नन्नत्थ अगरुकुङ्कुम-चन्दणमादिएहिं, अवसेसं - विलेवणविहिँ पचक्खामि (3), 17 / तयाणन्तरं च णं पुप्फविहिपरिमाणां
