________________ 228 ] [ श्रीमदागमसुधासिन्धुः :: चतुर्थो विभागः वायो मम अासे आणेह, तेवि पडिसुणेति, तते णं ते कोडुबियपुरिसा सगडीसागडं सज्जेंति 2 तत्थ णं बहूणं वीणाण य वल्लकीण य भामरीण य कच्छभीण य भंभाण य छन्भामरीण य विचित्तवीणाण य अन्नेसिं च बहूणं सोतिदिय-पाउग्गाणं दवाणं सगडीसागडं भरेंति 2 बहूणं किराहाण य जाव सुकिलाण य कट्टकम्माण य 4 गंथिमाण य 4 जाव संघाइमाण य अन्नेसिं च बहूणं चक्खिदिय-पाउग्गाणं दवाणं सगडीसागडं भरेंति 2 बहूणं कोट्टपुडाण य केयइपुडाण य जाव अन्नेसिं च बहूणं घाणिदियपाउग्गाणं दव्याणं सगडीसागडं भरेंति 2 बहुस्स खंडस्स य गुलस्स य सकराए य मच्छंडियाए य पुप्फुत्तरपउमुत्तर. अन्नेसिं च जिभिदियपाउगगाणं दवाणं भरेंति 2 बहूणं कोयवयाण य कंबलाण य पावरणाण य नवतयाण य मलया(सगा)गा य मसूराण य सिलावट्टाण जाव हंसगम्भाण य अन्नेसि च फासिंदिय-पाउग्गाणं दव्वाणं जाव भरेंति 2 सगडीसागडं जोएंति 2 जेणेव गंभीरए पोयट्ठाणे तेणेव य उवागच्छंति 2. सगडीसागडं मोऐति 2 पोयवहणं सज्जति 2 तेसिं उकिटाणं सदफरिस-रसरूवगंधाणं कट्ठस्स य तणस्स य पाणियस्स य तंदुलाण य समियस्स य गोरसस्स य जाव अन्नेसिं च बहूणं पोयबहण पाउग्गाणं पोयवहणं भरैति 2 दक्खिणाणुकूलेणं वाएणं जेणेव कालियदीवे तेणेव उवागच्छंति 2 पोयवहणं लंबेंति 2 ताई उकिट्टाइं सहकरिस-रसरूवगंधाई एगट्ठियाहिं कालियदीवं उत्तारेंति 2 जहिं 2 च णं ते पासा पासयंति वा सयंति वा चिट्ठति वा तुयट्टांति वा तहिं 2 च...णं ते कोडुबियपुरिसा तायो वीणायो य जाव विचित्तवीणातो य अन्नाणि बहूणि सोइंदिय-पाउग्गाणि य दवाणि समुद्दीरेमाणा चिट्ठति, तेसि परिपेरंतेणं पासए ठति 2 णिचला णिप्फंदा तुसिणीया चिट्ठति 4 / जत्थ 2 ते पासा पासयंति वा जाव तुयट्टांति वा तत्थ तत्थ णं ते कोडुबियपुरिसा बहूणि किराहाणि य 5 कट्टकम्माणि
