________________ श्रीधर्मकज्ञाताथाङ्ग-सूत्रम् / अध्ययनं 16 ] [ 213 मम पडिवालेमाणा चिट्टतु, तते णं से दूर जाव भणति, पडिवालेमाणा चिट्टह, तेवि जाव चिट्ठांति, तते णं से कराहे वासुदेवे कोडबियपुरिसे सदावेइ 2 ता एवं वयासी-गच्छह णं तुम्भे देवाणुप्पिया ! सन्नाहियं भेरि ताडेह, तेवि तालेंति, तते णं तीसे सराणाहियाए भेरीए सह सोचा समुदविजय-पामोक्खा दसदसारा जाव छप्पराणं बलवयसाहस्सीयो सन्नद्धबद्ध जाव गहियाउहपहरणा अप्पेगतिया हयगपा गयगया जाव वग्गुरापरिक्खित्ता जेणेव सभा सुधम्मा जेणेव कराहे वासुदेवे तेणेव उवागच्छति 2 करयल जाव बद्धाति 10 / तते णं कराहे वासुदेवे हत्थिखंधवरगए सकोरेंट-मल्लदामेणं छत्तेणं धरिजमाणेणं सेयवर-चामराहिं उद्धृब्वमाणीहिं हयगयरह-पवरजोह-कलियाए चाउरंगिणीए सेणाए सद्धिं संपरिबुडे महया भड-चडगर-पहकरेणं बारवती णयरी मझमझेणं णिग्गच्छति, जेणेव पुरस्थिमवेयाली तेणेव उवागच्छति 2 पंचहिं पंडवेहिं सद्धिं एगयो मिलइ 2 खंधावारणिवेसं करेति 2 पोसहसालं अणुपविसति 2 सुट्ठियं देवं मणसि करेमाणे 2 चिट्ठति, नते णं कराहस्स वासुदेवस्स अट्ठमभत्तंसि परिणममाणंसि सुट्टियो अागतो, भण देवाणुप्पिया ! जं मए कायव्वं 11 / तते णं से कराहे वासुदेवे सुट्टियं एवं वयासी-एवं खलु देवाणुप्पिया ! दोवती देवी जाव पउमनाभस्स भवणंसि साहरिया तराणं तुमं देवाणुप्पिया / मम पंचहिं पंडवेहिं सद्धिं अप्पछट्ठस्स छराहं रहाणं लवणसमुद्दे मग्गं वियरेहि, जगणं अहं अमरकंकारायहाणी दोवतीए कूवं गच्छामि 12 / तते णं से सुटिए देवे कराहं वासुदेवं एवं वयासी-किराहं देवाणुप्पिया ! जहा चेव पउमणाभस्स रनो पुव्वसंगतिएणं देवेणं दोवती जाव संहरिया तहा चेव दोवतिं देवि धायती-संडायो दीवायो भारहायो जाव हत्थिणापुरं साहरामि, उदाहु पउमणाभं रायं सपुरबलवाहणं लवणसमुद्दे पक्खिवामि ?, तते णं कराहे वासुदेवे सुट्टियं देवं एवं वयासी-मा णं तुमं देवाणुप्पिया !
