________________ 164 ] [ श्रीमदागमसुधासिन्धुः / चतुर्थो विभागः 2 सूमालियाए दारियाए सद्धिं वासघरं अणुपविसति सूमालियाए दारियाए सद्धिं तलिगंसि निवजइ, तते णं से दमगपुरिसे सूमालियाए इमं एयारूवं अंगफासं पडिसंवेदेति, सेसं जहा सागरस्स जाव सयणिजायो अब्भु(पच्चु)तुति 2 वासघरायो निग्गच्छति 2 खंडमल्लगं खंडघडं च गहाय मारामुक्के विव काए जामेव दिसि पाउभूए तामेव दिसि पडिगए, तते णं सा सूमालिया जार गए णं से दमगपुरिसेत्तिकटु योहयमण जाव झियायति 11 // सूत्रं 118 // तते णं सा भद्दा कल्लं पाउप्पभायाए दासचेडिं सदावेति 2 एवं बयासी-जाव सागरदत्तस्स एयम४ निवेदेति, तते णं से सागरदत्ते तहेव संभंते समाणे जेणेव वासहरे तेणेव उवागच्छति 2 सूमालियं दारियं अंके निवेसेति 2 एवं वयासी-ग्रहो णं तुम पुत्ता ! पुरापोराणेणं जाब पचणुब्भवमाणी विहरसि तं मा णं तुम पुत्ता ! योहयमण जाव झियाहि तुमं णं पुत्ता ! मम महाणसंसि विपुलं असणं 4 जहा पुट्टिला जाव परिभाएमाणी विहराहि, तते णं सा सूमालिया दारिया एयमट्ठ पडिसुणेति 2 महाणसंसि विपुलं असणं जाव दलमाणी दवावमाणी विहरइ 1 / तेणं कालेणं 2 गोवालियायो अजायो बहुस्सुयायो एवं जहेब तेयलिणाए सुब्बयाश्रो तहेव समोसड्ढायो तहेव संघाडयो जाव अणुपविट्ठ तहेव जाव सूमालिया पडिलाभित्ता एवं वदासी-एवं खलु अजायो ! अहं सागरस्स अणिट्ठा जाव अमणामा नेच्छइ णं सागरए मम नामं वा जाव परिभोगं वा, जस्स 2 विय णं दिजामि तस्स 2 विय णं अणिट्ठा जाव अमणामा भवामि, तुम्भे य णं अज्जायो ! बहुनायायो एवं जहा पुट्टिला जाव उवलद्धे जे णं अहं सागरस्स दारगस्त इट्टा कंता जाव भवेजामि, अजायो ! तहेव भणंति तहेव साविया जाया तहेव चिंता तहव सागरदत्तं सत्थवाहं श्रापुच्छति जाव गोवालियाणं अंतिए पव्वइया 2 / तते णं सा सूमालिया अजा जाया ईरियासमिया जाव बंभयारिणी
