________________ .] [ श्रीमदागमसुधासिन्धुः / चतुर्थो विमागः भूए श्रालंबणभूए चकाखूभूए सबकज्जेसु सधभूमियासु लद्धपच्चए विइराणवियारे रजधुरवितए यावि होत्था, सेणियस्स रनो रज्जं च रटुं च कोसं च कोट्ठागारं च बलं च वाहणं च पुरं च अंतेउरं च सयमेव समुवेक्खमाणे 2 विहरति // सूत्रं 7 // तस्स णं सेणियस्स रन्नो धारिणी नामं देवी होत्था जाव सेणियस्स रन्नो इट्टा जाव विहरइ // सूत्रं 8 // तए णं सा धारिणीदेवी अन्नया कयाइ तंसि तारिसगंसि छकट्ठक(६)लट्ठ मट्ठ-संठिय--खंभुग्गयं पवरवर-सालभंजिय-उजल--प्रणिकणग-रयणथुभिय-- विडंग(रयणमू मेपविडंक)जालद्धचंद-णिज्जूह-कंतर-कणयालि-चंदसालिया-विभत्तिकलिते सरसच्छ-धाऊवलवगणरइए बाहिरयो दूमियवट्ठमट्ठ अभित. रयो पत्तसुविलिहिय-चित्तकम्मे णाणाविह-पंचायण मणिरयण-कोट्टिमतले पउमलया-फुल्लवल्लि-वरपुष्फ जातिउल्लोय-चित्तियतले वं(च)दणवर-कणगकलससुत्रिणिम्मिय-गडिपुजि(पूजि)य-सरसपउम-सोहंतदारभाए पयरगालंबंत-मणिमुत्तदाम-सुविरइय-दारमोहे सुगंधवर-कुसुममउय-पम्हल-सयणोवयारे - मणहिययनिव्वुझ्यरे कप्पूर-लवंग मलयचंदन कालागुरु -पवरकुंदुरुक-तुरुकधूव- डझतसुरभि-मघमघंत-गंधुद्धयाभिरामे सुगंधवरगंधिए गंधवट्टिभूते मणिकिरण-पणासियंधकारे, किं बहुणा ?, जुड़गुणेहिं सुरवरविमाण-देलंबिय-वरघरएं तसि तारिसगंसि सयणिज्जसि सालिंगणवट्टिए उभयो विबोयणे दुहयो उनएमज्जे णयगंभीरे गंगापुलिण-वालुया-उद्दाल-सालिसए उयचिय-खोमदुगुल्ल पट्टपडि-च्छराणे श्रच्छरय-मलयनवय(नयतय)कुसत्तलिंब सीहकेसर-पच्चुत्थए सुविरइयरयत्ताणे रत्तंसुयसंवुए सुरम्मे श्राइणगख्य-रणवणीय-तुल्लफासे पुब्बरतावरत्त-कालसमयंसि सुत्तजागरा श्रोहीरमाणी 2 एगं महं सुत्तस्सेहं रययकूडसनिहं नहयलंसि सोमं सोमागारं लीलायंत जंभायमाणं मुहमतिगयं गयं पासित्ता णं पडिबुद्धा 1 / तते णं सा धारिणी देवी अयमेारूवं. उरालं कल्लाणं सिवं धन्नं मंगल्लं सस्सिरीयं महासुमिणं पासित्ता णं पडिबुद्धा
