________________ श्रीज्ञाताधर्मकथाङ्ग-सूत्रम् :: अध्ययनं 14 ] [ 167 तुति 2 सत्तट्ठपदाति अणुगच्छति 2 श्रासणेणां उवणिमंतेति 2 अासत्थे वीसत्थे सुहासणवरगए एवं वयासी-संदिसंतु णं देवाणुप्पिया ! किमागमणपयोयगां ?, तते णं ते अभितरट्ठाणिजा पुरिसा कलायमूसियारदारयं एवं वयासी-अम्हे गां देवाणुप्पिया ! तव धूयं भदाए अत्तयं पोट्टिलं दारियं तेयलिपुत्तस्स भारियत्ताए वरेमो, तं जति णं जाणसि देवाणुप्पिया ! जुत्तं वा पत्तं वा सलाहणिज्जं वा सरिसो वा संजोगो ता दिजउ णं पोट्टिला दारिया तेयलिपुत्तस्स, ता भण देवाणुपिया ! किं दलामो सुक्कं ?,7 / तते णं कलाए मूसियारदारए ते अभितरटाणिज्जे पुरिसे एवं वदासीएस चेव णं देवाणुप्पिया ! मम सुके जन्नं तेतलिपुत्ते मम दारियानिमित्तेगां अणुग्गहं करेति, ते ठाणिज्जे पुरिसे विपुलेगां असण-पाण-खाइम-साइमेगां पुष्फवस्थ-गंध-मल्लालंकारेणं सकारेइ सम्माणेइ 2 पडिविसज्जेइ, तए णं कलायस्सवि मूसियारदारयस्त गिहायो पडिनिक्खमइ 2 जेणेव तेयलिपुत्ते अमच्चे तेणेव उवागच्छंति 2 तेयलिपुत्तं श्रमच्चं एयम निवेयंति 8 / तते णं कलादे मूसियदारए अन्नया कयाई सोहणंसि तिहि-नक्खत्त-मुहुत्तसि पोट्टिलं दारियं राहायं सवालंकारभूसियं सीयं दुरूहेइ 2 ता मित्तणाइनियय-सजण-संबंधि-परिजणस्स सद्धिं संपरिबुडे सातों गिहातो पडिनिवखमति 2 सबिड्डीए तेयलीपुरं मझमज्झेगां जेणेव तेतलिस्स गिहे तेणेव उवागच्छति 2 पोट्टिलं दारियं तेतलिपुत्तस्स सयमेव भारियत्ताए दलयति 8 / तते णं तेतलिपुत्ते पोट्टिलं दारियं भारियत्ताए उवणीयं पासति 2 पोट्टिलाए सद्धिं पट्टयं दुरूहति 2 सेतापीतएहिं कलसेहिं अप्पाणं मज्जावेति 2 अग्गिहोमं करेति 2 पाणिग्गहणं करेति 2 पोट्टिलाए भारियाए मित्तणाति जाव परिजणं विपुलेणं असण-पाण-खातिम-सातिमेणं पुप्फ-वत्थगंधमल्लालंकारेणं जाव पडिविसज्जेति 1 / तते णं से तेतलिपुत्ते पोट्टिलाए भारियाए अणुरते अविरत्ते उरालाइं जाव विहरति 10 // सूत्रं 102 //
