________________ श्रीज्ञाताधर्मकथाङ्ग-सूत्रम् / / अध्ययनं 13 ] [ 161 दुब्बलाण य श्रोसह-भेसज्ज-भत्तपाणेणं पडियारकम्मं करेमाणा विहरंति, तते णं णंदे उत्तरिल्ले वणसंडे एगं महं अलंकारियसभं करेति, अणेगखभसतसंनिविट्ठ जाव पडिरूवं, तत्थ णं बहवे अलंकारियपुरिसा दिनभइभत्तवेयणा बहूणं समणाण य अणाहाण य गिलाणाण य रोगियाण य दुबलाण य अलंकारियकम्मं करेमाणा 2 विहरंति 15 / तते णं तीए णंदाए पोक्खरणीए वहवे सणाहा य अणाहा य पंथिया य पहिया य करोडिया कारि(र)या तणहारया पत्तहारया कट्टहारया अप्पेगतिया राहायंति अप्पेगतिया पाणियं पियंति अप्पेगतिया पाणियं संवहंति अप्पेगतिया विसजितसेय-जल्लमल-परिस्सम-निदखुप्पिवासा सुहंसुहेगां विहरंति 16 / रायगिह-विणिग्गयोवि जत्थ बहुजणो किं ते जलरमण-विविहमजणकयलिलयाघरय-कुसुमसत्थरय-अणेगसउण-गणरुपरिभितसंकुलेसु सुहंसुहेणं अभिरममाणो 2 विहरति 17 / तते णं गाँदाए पोक्खरिणीए बहुजणो राहायमाणो पाणियं च संवहमाणो य अन्नमन्नं एवं वदासी-धराणे णं देवाणुप्पिया ! णंदे मणियारसेट्टी कयत्थे जाव जम्मजीवियफले जस्स णं इमेयाख्वा गंदा पोक्खरणी चाउकोणा जाव पडिरूवा, जस्स णं पुरथिमिल्ले तं चेव सव्वं चउसुवि वणसंडेसु जाव रायगिहविणिग्गयो जत्थ बहुजणो श्रासणेसु य सयणेसु य सन्निसन्नो य संतुयट्टो य पेच्छमाणो य साहेमाणो य सुहंसुहेणं विहरति, तं धन्ने कयत्थे कयपुन्ने कयाणं० लोया ! सुलद्धे माणुस्सए जम्मजीवियफले नंदस्स मणियारस्स 18 / तते णं रायगिहे संघाडग जाव बहुजणो अन्नमन्नस्स एवमातिक्खति 4 धन्ने णं देवाणुप्पिया! णंदे मणियारे सो चेव गमयो जाव सुहंसुहेणं विहरति / तते णं से गंदे मणियारे बहुजणस्स अंतिए एतम8 सोच्चानिसम्म हट्ट 2 धाराहयकलंबुगंपिव समूससियरोमकूवे परं सायासोक्ख-मणुभवमाणे विहरति 11 // सूत्रं 100 //
