________________ श्रीज्ञाताधर्मकथाङ्ग-सूत्रम् :: अध्ययनं 9 ] [ 141 बालीघरएसु य मालीघरएसु य जाव कुसुमघरएसु य सुहंसुहेणं अभिरममाणा विहरेजाह, जति णं तुब्भे एत्थवि उव्विग्गा वा उस्सुया वा उप्पुया वा भवेज्जाह तो णं तुम्भे उत्तरिल्लं वणसंडं गच्छेज्जाह, तत्थ णं दो ऊऊ सया साहीणा तंजहा-सरदो य हेमंतो य,-तत्थ उ सणसत्त-वराणकउयो नीलुप्पल-पउम-नलिणसिंगो। सारस-चकवाय-रवितघोसो सरय-ऊऊगोवती साहीणां // 1 // तत्थ य सियकुंद-धवल(विमल)-जोराहो कुसुमित-लोद्धवणसंड-मंडलतलो। तुसार-दगधार-पीवरकरो हेमंत-ऊऊससी सया साहीणो // 2 // तत्थ णं तुब्भे देवाणुप्पिया ! वावीसु य जाव विहरेजाह, जति णं तुब्भे तत्थवि उबिग्गा वा उस्सुया वा जाव भवेजाह तो णं तुब्भे अवरिल्लं वणसंडं गच्छेज्जाह, तत्थ णं दो ऊऊ साहीणा, तंजहा-वसंते य गिम्हे य, तत्थ उ सहकार-चारुहारो किंसुय-करिणयारासोग-मउडो / ऊसित-तिलग बउलायवत्तो वसंत-उऊणरवती साहीणो // 1 // तत्थ य पाडल-सिरीस-सलिलो मलिया-वासंतिय-धवलवेलो। सीयल-सुरभि-अनिलमगरचरियो गिम्ह-ऊऊ-सागरो साहीणो // 2 // तत्थ णं बहुसु जाव विहरेजाह, जति णं तुम्भे देवाणुप्पिया ! तत्थवि उबिग्गा उस्सुया भवेजाह तयो तुम्भे जेणेव पासायवडिसए तेणेव उवागच्छेजाह, ममं पडियालेमाणा 2 चिट्ठ जाह, मा णं तुम्भे दक्खिणिल्लं वणसंडं गच्छेजाह, तत्थ णं महं एगे उग्गविसे चंबविसे घोर(भोग)विसे महाविसे अइकायमहाकाए जहा तेयनिसग्गे मसि महिसामूमाकालए नयण-विस-रोसपुराणे अंजण-पुज-नियरप्पगासे रत्तच्छे जमल-जुयल-चंचल-चलंतजीहे धरणि-यल-वेणिभूए उक्कडफुड-कुडिल-जडिल-कक्खड वियड-फडाडोव-करणदच्छे लोगाहार-धम्ममाणधमधमेंतघोसे अणागलिय-चंडतिब्बरोसे समुहिं तुरियं चवलं धमधमंत-दिट्ठीविसे सप्पे य परिवसति, मा णं तुम्भं सरीरगस्स वावत्ती भविस्सइ 2 / ते मागंदियदारए दोच्चं तच्चपि एवं वदति 2 वेउन्वि-समुग्धातणं समोहणति
