________________ 10.] [ श्रीमदागमसुधासिन्धुः / चतुर्थो विभागः तते णं रक्खितिया धरणं सस्थवाहं एवं वयासी-एवं खलु तातो! जाव ते चेव ताया ! एए पंच सालिअक्खया णो अन्ने, कहन्नं पुत्ता !, एवं खलु तायो ! तुब्भे इयो पंचमंमि जाव भवियव्वं एत्थ कारणेणंतिकट्ठ ते पंच सालिअक्खए सुद्धे वत्थे जाव तिसंझं पडिजागरमाणी य विहरामि, ततो एतेणं कारणेणं तायो ! ते चेव ते पंच सालिअक्खए णो अन्ने, तते णं से धरणे रक्खितियाए अंतिए एयमटुं सोचा हट्टतुट्ट तस्स कुलघरस्स हिरनस्स य कंसदूस-विपुल-धण जाव सावतेजस्स य भंडागारिणि ठवेति 21 / एवामेव समणाउसो ! जाव पंच य से महव्वयाति रक्खियाति भवंति से णं इह भवे चेव बहूणं समणाणं 4 अञ्चणिज्जे जहा जाव सा रक्खिया 22 / रोहिणियावि एवं चेव, नवरं तुम्भे तायो ! मम सुबहुयं सगडीसागडं दलाहि जेणं अहं तुभं ते पंच सालिअक्खए पडिणिज्जाएमि, तते णं से धरणे रोहिणि एवं वदासी-कहराणं तुम मम पुत्ता ! ते पंच सालिअवखए सगड(डी)सागडेणं निजाइस्ससि ?, तते णं सा रोहिणी धरणं एवं वदासी-एवं खलु तातो ! इश्रो तुब्भे पंचमे संवच्छरे इमस्स मित्त जाव बहवे कुभसया जाया तेणेव कमेणं एवं खलु तायो ! इयो तुम्भे ते पंच सालिअक्खए सगडसागडेणं निन्जाएमि 23 / तते णं से धराणे सत्थवाहे रोहिणीयाए सुबहुयं सगडसागडं दलयति, तते णं रोहिणी सुबहुँ सगडसागडं गहाय जेणेव सए कुलघरे तेणेव उवागच्छइ कोट्ठागारे विहाडेति 2 पल्ले उभिदति 2 सगडीसागडं भरेति 2 रायगिहं नगरं मझमज्झेणं जेणेव सए गिहे जेणेव धरणे सत्थवाहे तेणेव उवागच्छति 24 / तते णं रायगिहे नगरे सिंघाडग जाव बहुजणो अन्नमन्नं एवमातिक्खति-धन्ने णं देवाणुप्पिया ! धराणे सत्थवाहे जस्स णं रोहिणिया सुराहा जीए णं पंच सालियरखए सगडसागडिएणं निजाएति 25 / तते णं से धरणे सत्थवाहे ते पंच सालिअक्खए सगडसागडेणं निजाएतिते
