________________ श्रीज्ञाताधर्मकथाङ्ग-सूत्रम् / अध्ययनं 5 ] [89 अभिरुतिए अहं णं देवाणुप्पिया ! संसारभयउम्बिग्गे जाव पव्वयामि, तुब्भे णं देवाणुप्पिया ! किं करेह किं ववसह किं वा ते हियइच्छियं ? 2 / तते णं तं पंथयपामोक्खा पंचमंतिसया सेलगं रायं एवं वदासी-जइ णं तुम्भे देवाणुप्पिया ! संसार जाव पव्ययह श्रम्हाणं देवाणुप्पिया ! किमन्ने थाहारे वा बालंबे वा अम्हेऽविय णं देवाणुप्पिया ! संसारभयउविग्गा जाव पव्वयामो, जहा देवाणुप्पिया ! अम्हं बहुसु कज्जेसु य कारणेसु य जाव तहा णं पवतियाणवि समाणाणं बहुसु जाव चक्खुभूते 3 / तते णं से सेलगे पंथगपामोक्खे पंच मंतिसए एवं वदासी-जति णं. देवाणुप्पिया ! तुब्भे संसार जाव पव्वयह तं गच्छह णं देवाणुप्पिया! सएसु 2 कुडुबेसु जेट्टे पुत्ते कुडुबमज्झे ठावेत्ता पुरिससहस्सवाहिणीयो सीयारो दुरुढा समाणा मम अंतियं पाउभवहत्ति, तहेब पाउब्भवंति 4 / तते णं से सेलए राया पंच मंतिसयाई पाउम्भवमाणातिं पासति 2 हट्ठतुढे कोडांबियपुरिसे सद्दावेति 2 एवं वदासी-खिप्पामेव भो देवाणुप्पिया ! मंडुयस्स कुमारस्स महत्थं जाव रायाभिसेयं उवट्ठवेह जाव अभिसिचति जाव राया विहरति / तते णं से सेलए मंडुयं रायं यापुच्छइ 5 / तते णं से मंडुए राया कोडुबियपुरिसे सद्दावेइ 2 एवं वदासी-खिप्पामेव सेलगपुरं नगरं ग्रासित जाव गंधवट्टि भूतं करेह य कारवेह य 2 एवमाणत्तियं पञ्चप्पिणह, तते णं से मंडुए दोच्चपि कोड बियपुरिसे सदावेइ 2 एवं वदासी-खिप्पामेव सेलगस्स रनो महत्थं जाव निक्खमणाभिसेयं जहेव मेहस्स तहेव णवरं पउमावतीदेवी अग्गकेसे पडिच्छति सव्वेवि पडिग्गहं गहाय सीयं दुरूहंति, अवसेसं तहेव जाव सामातियमातियाति एकारस अंगाई अहिजति 2 बहूहिं चउत्थ जाव विहरति 6 / तए णं से सुए सेलयस्स अणगारस्स ताई पंथयपामोक्खाति पंच अणगारसयाई सीसत्ताए वियरति, तते णं से सुए अन्नया कयाई
