________________ 88] [ श्रीमदागमसुधासिन्धुः :: चतुर्थो विभागः पन्नत्तं धम्मं निसामित्तए धम्मकहा भाणियब्वा, तए णं से सुए परिवायए थावचापुत्तस्स अंतिए धम्मं सोचा णिसम्म एवं वदासी-इच्छामि णं भंते ! परिवायग-सहस्सेणं सद्धिं संपरिबुडे देवाणुप्पियाणं अंतिए मुंडे भविता पव्वइत्तए, अहासुहं जाव उत्तरपुरच्छिमे दिसीभागे तिडंडयं जाव थाउरत्तायो य एगते एडेति 2 सयमेव सिहं उप्पाडेति 2 जेणेव थावच्चापुत्ते तेणेव उवागच्छइ उवागच्छित्ता जाव मुडे भवित्ता जाव पव्वतिए सामाइयमातियाई चोइस पुव्वाति अहिजति 20 / तते णं थावच्चापुत्ते सुयस्स अणगारसहस्सं सीसत्ताए वियरति, तते गां से थावच्चापुत्ते सोगंधियायो नीलासोयायो पडिनिक्खमति 2 बहिया जणवयविहारं विहरति 21 / तते णं से थावच्चापुत्ते अणगारसहस्सेणं सद्धिं संपरिबुडे जेणेव पुंडरीए पवए तेणेव उवागच्छइ 2 पुंडरीयं पव्वयं सणियं 2 दुरूहति 2 मेघघणसन्निगासं देवसन्निवायं पुढविसिलापट्टयं जाव पायोवगमणं णुवन्ने 22 / तते णं से थावच्चायुत्ते बहूणि वासाणि सामन्नपरियागं पाणित्ता मासियाए संलेहणाए सर्टि भतातिं अणसणाए जाव केवलवरनाणदंसणं समुप्पाडेत्ता ततो पच्छा सिद्धे जाव पहीणे 23 // सूत्रं 62 // तते गां से सुए अन्नया कयाई जेणेव सेलगपुरे नगरे जेणेव सुभूमिभागे उजाणे समोसरणं परिसा निग्गया सेलो निग्गच्छति धम्मं सोचा जं नवरं देवाणुप्पिया ! पंथगपामोक्खातिं पंच मंतिसयाति प्रापुच्छामि मण्डुयं च कुमारं रज्जे ठावेमि, ततो पच्छा देवाणुप्पियाणं अन्तिए मुडे भवित्ता श्रागारायो अणगारियं पव्वयामि, अहासुहं 1 / तते गां से सेलए राया सेलगपुरं नयरं अणुपविसति 2 जेणेव, सए गिहे जेणेव बाहिरिया उवट्ठाणसाला तेणेव उवागच्छइ 2 सीहासणं सन्निसन्ने, तते णं से सेलए राया पंथयपामोक्खे पंच मंतिसए सदावेइ सहावेत्ता एवं वदासी-एवं खलु देवाणुप्पिया ! मए सुयस्स अंतिए धम्मे णिसंते सेवि यमे धम्मे इच्छिए पडिच्छिए
