________________ 520 / [ श्रीमदागमसुधासिन्धुः // तृतीयो विभागः तेणेव 2 गोसालं मंखलिपुत्तं धम्मियाए पडिचोयणाए पडिचोएंति 2 धम्मियाए पडिसाहरणाए पडिसाहति 2 धम्मिएणं पडोयारेणं पडोयारेति 2 अट्ठहि य हेऊहि य कारणेहि य जाव वागरणं वागरेंति 12 / तए णं से गोसाले मंखलिपुत्ते समणेहिं निग्गंथेहिं धम्मियाए पडिचोयणाए पडिचोतिजमाणे जाव निप्पट्ठपसिणवागरणे कीरमाणे श्रासुरुत्ते जाव मिसिमिसेमाणे नो संचाएति समणाणं निग्गंथाणं सरीरगस्स किंचि श्राबाहं वा वाबाहं वा उप्पाएत्तए छविच्छेदं वा करेत्तए 13 / तए णं ते श्राजीविया थेरा गोसालं मंखलिपुत्तं समणेहिं निग्गंथेहि धम्मियाए पडिचोयणाए पडिचोएजमाणं धम्मियाए पडिसारणाए पडिसारिजमाणं धम्मिएणं पडोयारेण य पडोयारेजमाणं अट्ठोहि य हेऊहि य जाव कीरमाणं श्रासुरुत्तं जाव मिसि. मिसेमाणं समणाणं निग्गंथाणं सरीरगस्स किंचि आवाहं वा वाबाहं वा छविच्छेदं वा अकरेमाणं पासंति 2 गोसालस्स मंखलिपुत्तस्स अंतियायो श्रायाए अवकमंति अायाए अवकमित्ता 2 जेणेव समणं भगवं महावीरे तेणेव उवागच्छति 2 समणं भगवं महावीरं तिक्खुत्तो पायाहिण पयाहिणं करेंति 2 वंदंति नमसंति 2 समणं भगवं महावीरं उवसंपजित्ताणं विहरंति, अत्थेगइया श्राजीविया थेरा गोसालं चेव मंखलिपुत्तं उवसंपजित्ताणं विहरति 14 / तए णं से गोसाले मंखलिपुत्ते जस्सट्टाए हव्वमागए तम? असाहेमाणे रुंदाई पलोएमाणे दीहुराहाई नीसासमाणे दाढियाए लोमाए लुचमाणे श्रवड्डे कडूयमाणे पुयलि पफोडेमाणे हत्थे विणिझुणमाणे दोहिवि पाएहिं भूमि कोट्टे माणे हाहा ग्रहो ! होऽहमस्तीतिकटु समणस्स भगवयो महावीरस्स अंतियायो कोट्ठयायो चेइयायो पडिनिक्खमति 2 जेणेव सावत्थी नगरी जेणेव हालाहलाए कुंभकारीए कुभकारावणे. तेणवे उवागच्छइ 2 हालाहलाए कुंभकारीए कुंभकारावणंसि अंबकूणगहत्थगए मजपाणगं पियमाणे अभिक्खणं गायमाणे अभिक्खणं नचमाणे अभिवखणं हालाहलाए
