________________ श्रीमद्व्याख्याप्रज्ञप्ति (श्रीमद्भगवति) सूत्रं : शतकं 15 :: उद्देशकः 1] [505 णं अहं गोसाला ! तव अणुकंपणट्टयाए वेसियायणस्स बालतवस्सिस्स सीयतेयलेस्सा-पडिसाहरणट्ठयाए एत्थ णं अंतरा सीयलियतेयलेस्सं निसिरामि जाव पडिहयं जाणित्ता तव य सरीरगस्स किंचि आवाहं वा वाबाहं वा छविच्छेदं वा अकीरमाणं पासेत्ता सीयोसिणं तेयलेस्सं पडिसाहरति 2 ममं एवं वयासी-से गयमेयं भगवं गय 2 मेयं भगवं 7 / तए णं से गोसाले मंखलिपुत्ते ममं अंतियायो एयमटुं सोचा निसम्म भीए जाव संजायभये ममं वंदति नमंसति ममं 2 एवं वयासी-कहन्नं भंते ! संखित्तविउल-तेयलेस्से भवति ?, तए णं अहं गोयमा ! गोसालं मंखलिपुत्तं एवं वयासी-जेणं गोसाला एगाए सणहाए कुम्मासपिडियाए एगेण य वियडासएणं छट्टछ?णं अनिक्खित्तेणं तवोकम्मेणं उड्डे बाहायो पगिझिय 2 जाव विहरति से णं अंतो छराहं मासाणं संखित्त-विउल-तेयलेस्से भवति, तए णं से गासाले मंखलिपुत्ते मम एयम४ सम्म विणएणं पडिसुणेति 8 // सूत्रं 543 // तए णं अहं गोयमा ! अन्नदा कदाइ गोसालेणं मंखलिपुत्तेणं सद्धिं कुम्मगामायो नगरायो सिद्धत्थग्गामं नगरं संपट्ठिए विहाराए जाहे य मो तं देसं हव्वमागया जत्थ णं से तिलथंभए 1 / तए णं से गोसाले मंखलिपुत्ते एवं वयासी-तुज्झे णं भंते ! तदा ममं एवं श्राइवखह जाव परुवेह-गोमाला ! एस णं तिलथंभए निष्फजिस्सइ तं चेव जाव पच्चाइस्संति तराणं मिच्छा इमं च णं पञ्चक्खमेव दीसइ एस णं से तिलथंभए णो निष्फन्ने अनिप्फनमेव ते य सत्त तिलपुप्फजीवा उदाइत्ता 2 नो एयस्स चेव तिलथंभगस्स एगाए तिलसंगुलियाए सत्त तिला पञ्चायाया 2 / तए णं अहं गोयमा ! गोसालं मंखलिपुत्तं एवं वयासी-तुमं णं गोसाला! तदा ममं एवं श्राइक्खमाणस्स जाव परूवेमाणस्स एयम४ नो सदहसि नो पत्तियसि नो रोययसि एयम? असदहमाणे अपत्तियमाणे श्ररोएमाणे ममं पणिहाए अयन्नं मिच्छावादी भवउत्तिकटु ममं अंतियात्रो
