________________ 504 ] [ श्रीमदागमसुधासिन्धुः / तृतीयो विभागा दोच्चंपि तच्चंपि एवं वयासी-किं भवं मुणी मुणिए उदाहु जूयासेजायरए, तए णं से वेसियायणे बालतवस्सी गोसालेणं मंखलिपुत्तेणं दोच्चपि तच्चंपि एवं वुत्ते समाणे श्रासुरुत्ते जाव मिसिमिसेमाणे पायावणभूमीयो पञ्चोरुभति 2 तेया-समुग्घाएणं समोहन्नइ तेयासमुग्घाएणं समोहन्नित्ता सत्तट्ठपयाई पच्चोसकइ 2 गोसालस्स मंखलिपुत्तस्स वहाए सरीरगंसि तेयं निसिरइ 4 / तए णं अहं गोयमा ! गोसालस्स मंखलिपुत्तस्स अणुकंपणट्टयाए वेसियायणस्स बालतवस्सिस्स तेय-पडिसाहरणट्टयाए एत्थ णं अंतरा अहं सीयलियं तेयलेस्सं निसिरामि जाए सा ममं सीयलियाए तेयलेस्साए वेसियायणस्स बालतवस्सिस्स सीयोसिणा तेयलेस्सा पडिहया 5 / तए णं से वेसियायणे बालतवस्सी ममं सीयलियाए तेयलेस्साए सीयोसिणं तेयलेस्सं पडिहयं जाणित्ता गोसालस्स मंखलिपुत्तस्स सरीरगस्स किंचि श्राबाहं वा वाबाहं वा छविच्छेदं वा अकीरमाणं पासित्ता सीयोसिणं तेयलेस्सं पडि. साहरइ 2 ममं एवं वयासी-से गयमेयं भगवं ! से गयमयं भगवं ! 6 / तए णं गोसाले मंखलिपुत्ते ममं एवं वयासी-किराहं भंते ! एस जूयासिजायरए तुज्झे एवं वयासी-से गयमेयं भगवं ! गयगयमेयं भगवं !, तए णं अहं गोयमा ! गोसालं मंलिपुत्तं एवं वयासी-तुमं णं गोसाला ! वेसियायणं बालतवस्सिं पाससि पासित्ता ममं अंतियायो तुसिणियं 2 पञ्चोसकसि जेणेव वेसियायणे बालतवस्सी तेणेव उवागच्छसि 2 वेसियायणं बालतवस्सि एवं वयासी-किं भवं मुणी मुणिए उदाहु जयासेजायरए ?, तए णं से वेसियायणे बालतवस्सी तव एयम8 नो श्रादाति नो परिजाणाति तुसिणीए संचिटुइ, तए णं तुमं गोसाला वेसियायणं बालतवस्सि दोच्चंपि तच्चंपि एवं वयासी-किं भवं मुणी मुणिए जाव सेजायरए, तए णं से वेसियायणे बालतवस्सी तुमं दोच्चंपिं तच्चपि एवं वुत्ते समाणे श्रासुरुत्ते जाव पच्चोसकति 2 तव वहाए सरीरगंसि तेयलेस्सं निस्सरइ, तए
