________________ 464 ] [ श्रीमदागमसुधासिन्धुः / तृतीयो विभागः // अथ त्रयोदशमशतके आहाराभिधः पञ्चमोद्देशकः॥ नेरइया णं भंते ! किं सचित्ताहारा अचित्ताहारा मीसाहारा ?, गोयमा ! नो सचित्ताहारा अचित्ताहारा नो मीसाहारा, एवं असुरकुमारा, पढमो नेरइयउद्दे सो निरवसेसो भाणियव्वो 1 / सेवं भंते ! सेवं भंतेत्ति जाव विहरति 2 // सूत्रं 488 // 13-5 // // अथ त्रयोदशमशतके उपपाताख्यः षष्ठोद्देशकः॥ .. रायगिहे जाव एवं वयासी-संतरं भंते ! नेरतिया उववज्जंति निरंतरं नेरइया उववज्जति ?, गोयमा ! संतरंपि नेरइया उववज्जति निरंतरंपि नेरइया उववज्जति 1 / एवं असुरकुमारावि 2 / एवं जहा गंगेये तहेव दो दंडगा जाव संतरंपि वेमाणिया चयंति निरंतरंपि वेमाणिया चयंति 3 / // सूत्र 486 // कहिन्नं भंते ! चमरस्स असुरिंदस्स असुररन्नो चमरचंचा नामं श्रावासे पराणत्ते ? गोयमा ! जंबुद्दीवे 2 मंदरस्स पव्वयस्स दाहिणेणं तिरियमसंखेज्जे दीवसमुद्दे एवं जहा बितियए सभाए उद्देसए वत्तव्वया सच्चेव अपरिसेसा नेयव्या नवरं इमं नाणत्तं जाव तिगिच्छकुंडस्स उप्पायपव्वयस्स चमरचंचाए रायहाणीए चमरचंचस्स श्रावासपव्वयस्स अन्नेसिं च बहूणं सेसं तं चेव जाव तेरस य अंगुलाई श्रद्धंगुलं च किंचिविसेसाहियं परिक्खेवेणं, तीसे णं चमरचंचाए रायहाणीए दाहिणपञ्चच्छिमेणं छक्कोडिसए पणपन्नं च कोडीयो पणतीसं च सयसहस्साइं पन्नासं च सहस्साइं अरुणोदगसमुद्दतिरियं वीइवइत्ता एस्थ णं चमरस्स असुरिंदस्स असुरकुमाररनो चमरचंचे नामं श्रावासे पराणत्ते, चउरासीइं जोयणसहस्साई अायामविक्खंभेणं दो जोयणसयसहस्सा पन्नडिं च सहस्साई छञ्चबत्तीसे जोयणसए किंचिविसेसाहिए परिक्खेवेणं, से णं एगेणं पागारेणं सव्वयो समंता संपरिक्खित्ते,
