________________ श्रीमद्व्याख्याप्रज्ञप्ति (श्रीमद्भगवति) सूत्र :: 25 :: उद्देशकः 6 ) / 755 // सूत्र 766 // पुलाए णं भंते ! कि सागारोवउत्ते होजा अणागारोवउत्ते होजा ?, गोयमा ! सागारोवउत्ते वा होजा अणागारोवउत्ते वा होना, एवं जाव सिणाए 17 // सूत्रं 767 // पुलाए णं भंते ! सकसायी होजा यकसायी होजा ?, गोयमा ! सकसायी होजा णो अकसायी होजा 1 / जइ सकसाई से णं भंते ! कतिसु कसाएसु होजा ?, गोयमा ! चउसु कोह. माणमायालोभेसु होजा, एवं बउसेवि, एवं पडिसेवणाकुसीलेवि 2 / कसायकुमीले णं पुच्छा, गोयमा ! सकसायी होजा णो अकसायी होजा 3 / जइ सकसायी होजा से णं भंते ! कतिसु कसाएसु होजा ?, गोयमा ! चउसु वा तिसु वा दोसु वा एगमि वा होजा, चउसु होमाणे चउसु संजलणकोह-माण-मायालोमेसु होजा तिसु होमाणे तिसु संजलण-माण-मायालोभेसु होजा दोसु होमाणे संजलण-माया-लोभेसु होजा एगंमि होमाणे संजलणलोभे होजा 4 / नियंठे णं पुच्छा, गोयमा ! णो सकसायी होज्जा अकसायी होज्जा 5 | जइ अकसायी होज्जा किं उवसंतकसायी होज्जा खीणकसायी होज्जा ?, गोयमा ! उवसंतकसायी वा होज्जा खीणकसायी वा होज्जा, सिणाए एवं चेव, नवरं णो उवसंतकसायी होन्जा, खीणकसायी होज्जा 6, 18 // सूत्रं 768 // पुलाए णं भंते ! किं सलेस्से होज्जा अलेस्से होज्जा ?, गोयमा ! सलेस्से होज्जा णो अलेस्से होज्जा 1 / जइ सलेस्से होज्जा से णं भंते ! कतिसु लेस्सासु होजा ?, गोयमा ! तिसु विसुद्धलेस्सासु होजा, तंजहा-तेउलेस्साए पम्हलेस्साए सुकलेस्साए एवं बउसस्सवि, एवं पडिसेवणाकुसीलेवि 2 / कसायकुसीले पुच्छा, गोयमा ! सलेस्से होज्जा णो अलेस्से होज्जा 3 / जइ सलेस्से होज्जा से णं भंते ! कतिसु लेसासु होज्जा ? गोयमा ! सु लेसासु होज्जा, तंजहा-कराहलेस्साए जाव सुक्कलेस्साए 4 / नियंठे णं भंते ! पुच्छा, गोयमा ! सलेस्से होज्जा णो अलेस्से होज्जा 5 / जइ
