________________ 754 ] .. [श्रीमदागमसुधासिन्धुः / तृतीयो विभागः पडिसेवणाकुसीलस्स एवं चेव बउसवत्तव्यया भाणियब्वा, कसायकुसीलस्स एस चेव बउसवत्तव्वया नवरं पुलाएणवि समं छट्ठाणवडिए 8 / णियंठ णं भंते ! पुलागस्स परट्ठाणसन्निगासेणं चरित्तपजवेहिं पुच्छा, गोयमा ! णो हीणे णो तुल्ले अब्भहिए श्रणंतगुणमब्भहिए, एवं जाव कसायकुसीलस्स 1 / णियंठे णं भंते ! णियंठस्स सट्टाणसन्निगासेणं पुच्छा, गोयमा ! नो हीणे तुल्ले णो अब्भहिए, एवं सिणायस्सवि 10 / सिणाए णं भंते ! पुलागस्स परट्ठाणसन्निगासेणं, एवं जहा नियंठस्स वत्तव्वया तहा सिणायस्सवि भाणियव्वा जाव सिणाए णं भंते ! सिणायस्स सट्टाणसन्निगासेणं पुच्छा, गोयमा ! णो हीणे तुल्ले णो अब्भहिए 11 / एएसि णं भंते ! पुलाग-बकुस-पडिसेवणाकुसील-कसायकुसील-नियंठसिणायाणं जहन्नुकोसगाणं चरित्तपजवाणं कयरे 2 जाव विसेसाहिया वा?, गोयमा ! पुलागस्स कसायकुसीलस्स य एएसि णं जहन्नगा चरित्तपन्जवा दोराहवि तुल्ला सम्वत्थोवा, पुलागस्स उकोसगा चरित्तपज्जवा अनंतगुणा, बउसस्स पडिसेवणाकुसीलस्स य एएसि णं जहन्नगा चरित्तपज्जका दोराहवि तुल्ला अणंतगुणा, बउसस्स उकोसगा चरित्तपज्जवा अणंतगुणा, पडिसेवणाकुसीलस्स उक्कोसगा चरित्तपज्जवा अणंतगुणा, कसायकुसीलस्स उकोसगा चरित्तपज्जवा अणंतगुणा, णियंठस्स सिणायस्स य एतेसि णं अजहन्नमणुकोसगा चरित्तपज्जवा दोराहवि तुल्ला अणंतगुणा 20, 15 ॥सूत्रं 765 / / पुलाए णं भंते ! किं सयोगी होज्जा अजोगी वा होज्जा ?, गोयमा ! सयोगी होज्जा नो अयोगी होज्जा 1 / जइ सयोगी होज्जा किं मणजोगी होज्जा वइजोगी होज्जा काययोगी होज्जा ?, गोयमा ! मणजोगी वा होज्जा वयजोगी वा होज्जा कायजोगी वा होज्जा, एवं जाव नियंठ 2 / सिणाए णं पुच्छा, गोयमा ! सयोगी वा होज्जा अयोगी वा होजा, जइ सयोगी होजा कि मणजोगी होजा सेसं जहा पुलागस्स 3, 16
