________________ श्रीमद्व्याख्याप्रज्ञप्ति(श्रीमद्भगवति)सूत्रं : शतकं 25 :: उद्देशकः 4 ] [ 726 सिद्धा णं दुविहा पन्नता, तंजहा-अणंतरसिद्धा य परंपरसिद्धा य, तत्थ णं जे ते परंपरसिद्धा ते णं निरेया, तत्थ णं जे ते यणंतरसिद्धा ते णं सेया, ते णं भंते ! किं देसेया सव्वेया ?, गोयमा ! णो देसया सवेया, तत्थ णं जे ते संसारसमावन्नगा ते दुविहा पराणत्ता, तंजहा-सेलेसिपडिवनगा य असेलेसिपडियन्नगा य, तत्थ णं जे ते सेलेसीपडिवनगा ते णं निरेया, तत्थ णं जे ते असेलेसीपडिवनगा ते णं सेया, ते णं भंते ! किं देसेया सव्वेया ?, गोयमा ! देसेयावि सम्वेयावि, से तेण?णं जाव निरेयावि 2 / नेरइया णं भंते ! किं देसेया सव्वेया ?, गोयमा ! देसेयावि सव्वेयावि 3 / से केण?णं जाव सम्वेयावि ?, मोयमा ! नेरइया दुविहा पराणत्ता, तंजहा-विग्गहगतिसमावनगा य अविग्गहगइसमावन्नगा य, तत्थ णं जे ते विग्गहगतिसमावनगा ते णं सव्वेया, तत्थ णं जे ते अविग्गहगतिसमावन्नगा ते णं देसेया, से तेणटेणं जाव सव्वेयावि, एवं जाव वेमाणिया 4 // सूत्र 731 // परमाणुपोग्गला णं भंते ! किं संखेजा असंखेजा अणंता ?, गोयमा ! नो संखेजा नो यसंखेजा अणंता, एवं जाव अणंतपएसिया खंधा 1 / एगपएसोगाढा णं भंते ! पोग्गला किं संखेजा असंखेजा अणंता ?, एवं चेव, एवं जाव असंखेजपएसोगाढा 2 / एगसमयठितीया णं भंते ! पोग्गला किं संखेजा ?, एवं चेव, एवं जाव असंखेजसमयद्वितीया 3 / एगगुणकालगा णं भंते ! पोग्गला किं संखेजा असंखेजा अणंता ?, एवं चेव, एवं जाव अणंतगुणकालगा, एवं श्रवसेसावि वरणगंधरसफासा णेयव्वा जाव अणंतगुणलुक्खत्ति 4 / एएसि णं भंते ! परमाणुपोग्गलाणं दुपएसियाण य खंधाणं दव्वट्ठयाए कयरे२हिंतो अप्पा वा बहुया वा तुल्ला वा विसेसाहिया वा ?, गोयमा ! दुपएसिएहितो खंधेहिंतो परमाणुपोग्गला दव्वट्ठयाए बहुगा 5 / एएसि णं भंते ! दुपएसियाणं तिप्पएसाण य खंधाणं दव्वट्ठयाए
