________________ श्रीमद्व्याख्याप्रज्ञप्ति (श्रीमद्भगवति) सूत्र :: शतकं 24 : उद्देशकः 20 ) [ 686 // 24-18 // चरिंदिया णं भंते ! कयोहितो उववज्जति जहा तेइंदियाणं उद्देसको तहेव चरिंदियाणवि नवरं ठिति संवेहं च जाणेजा 1 / सेवं भंते ! सेवं भंतेत्ति जाव विहरइ // सूत्रं 710 // 24-11 // // अथ चतुर्विंशतितमशके विंशतितमोद्देशकः // पंचिंदियतिरिक्खजोणिया णं भंते ! कयोहितो उववज्जति ? किं नेरइएहितो उववज्जति तिरिक्खजोणिएहितो उववज्जति मणुस्सेहितो उववज्जति देवेहितो उववज्जति ?, गोयमा ! नेरइएहितो उववज्जति तिरि. क्खजोणिएहितोवि उववज्जति मणुस्सेहितोवि उववज्जंति देवेहितोवि उववज्जति 1 / जइ नेरइएहितो उववज्जति किं रयणप्पभ-पुढविनेरइएहितो उववज्जति जाव अहेसत्तम-पुढविनेरइएहितो उववज्जति ?, गोयमा ! रयणप्पभपुढविनेरइएहितो उववज्जंति , जाव अहेसत्तम-पुढविनेरइएहितो उववज्जति 2 / रयणप्पभपुढविनेरइए. णं भंते ! जे भविए पंचिंदिय- .. तिरिक्खजोणिएलु उववजंति से णं भंते ! केवइकालट्ठितिएसु उववज्जति ?, गोयमा ! जहन्नेणं अंतोमुहृत्तद्वितीएसु उक्कोसेणं पुव्वकोडिबाउएसु उववज्जति 3 / ते णं भंते ! जीवा एगसमएणं केवइया उववज्जति ?, एवं जहा असुरकुमाराणं वत्तव्वया नवरं संघयणे पोग्गला अणिट्ठा अकंता जाव परिणमति 4 / योगाहणा दुविहा पराणत्ता, तंजहा-भवधारणिज्जा उत्तरवेउब्विया, तत्थ णं जा सा भवधारणिज्जा सा जहरणेणं अंगुलस्स असंखेजइभागं उक्कोसेणं सत्त धणूई तिन्नि रयणीयो छच्चंगुलाई, तत्थ णं जा सा उत्तरवेउब्विया सा जहन्नेणं अंगुलस्स संखेजइभागं उकोसेणं पनरस धणूई अड्डाइजात्रो रयणीयो 5 / तेसि णं भंते ! जीवाणं सरीरंगा किंसंठिया पराणत्ता ?, गोयमा ! दुविहा पराणत्ता, तंजहा-भवधारणिजा य उत्तरवेउव्विया य, तत्थ णं जे ते भवधारणिजा ते इंडसंठिया
