________________ 668 / [ श्रीमदागमसुधासिन्धुः :: तृतीयो विभागः उक्कोसकालद्वितीयो तस्सवि तिसुवि गमएसु इमं णाणत्तं, सरीरोगाहणा जहन्नेणं पंचधणुसयाई उक्कोसेणवि पंचधणुसयाइं ठिती जहन्नेणं पुव्वकोडी उकोसेणवि पुवकोडी एवं अणुबंधोवि सेसं जहा पढमगमए नवरं नेरइयठिई य कायसंवेहं च जाणेजा 1, 5 / एवं जाव छ?पुढवी नवरं तच्चाए बाढवेत्ता एक्कक्क संघयणं परिहायति जहेव तिरिक्खजोणियाणं कालादेसोवि तहेव नवरं मणुस्सट्टिती भाणियव्वा 10 / पजत्तसंखेजवासाउयसनिमणुस्से णं भंते ! जे भविए अहेसत्तमाए पुढविनेरइएसु उववजित्तए से णं भंते ! केवतिकालट्टितीएसु उववज्जेज्जा ?, गोयमा ! जहन्नेणं बावीसं सागरोवमठितीएसु उक्कोसेगां तेत्तीसं सागरोवमठितीएसु उववज्जेज्जा 11 / ते णं भंते ! जीवा एगसमएणं अवसेसो सो चेव सकरप्पभापुढविगमयो णेयव्यो नवरं पढमं संघयणं इथिवेयगा न उववज्जंति सेसं तं चेव जाव अणुबंधोत्ति भवादेसेणं दो भवग्गहणाई कालादेसेणं जहन्नेणं बावीसं सागरोवमाई वासपुहुत्तमभहियाई उक्कोसेणं तेत्तीसं सागसेवमाई पुव्वकोडीए अमहियाई एवतियं जाव करेजा 1, 12 / सो चेव जहन्नकालट्ठितीएसु उववन्नो एस चेव वत्तव्या नवरं नेरइयट्ठिति संवेहं च जाणे जा 2, 13 / सो चेव उक्कोसकालहितीएसु उववन्नो एस चेव वत्तव्वया नवरं संवहं च जाणेजा 3, 14 / सो चेव अप्पणा जहन्नकालद्वितीयो जाबो तस्सवि तिसुवि गमएसु एस चेव वत्तव्वया नवरं सरीरोगाहणा जहन्नेणं रयणिपुहुत्तं उकोसेणवि रयणिपुहुत्तं ठिती जहन्नेणं वासपुहुत्तं उक्कोसेणवि वासपुजुत्तं एवं अणुबंधोवि संवेहो उवजुजिऊण भाणियव्वो 6, 15 / सो चेव अप्पणा उकोसकालद्वितीयो जाबो तस्सवि तिसुवि गमएसु एस चैव वत्तव्वया नवरं सरीरोगाहणा जहन्नेणं पंचधणुसयाई उक्कोसेणवि पंचधणुसयाई ठिती जहन्नेणं पुव्वकोडी उक्कोसेणवि पुवकोडी एवं अणुबंधोवि णवसुवि एतेसु गमएसु नेरइयद्विती संवेहं च जाणेजा सव्वत्थ भवग्गहणाई
