________________ श्रीमद्व्याख्याप्रज्ञप्ति (श्रीमद्भगवति) सूत्रं : शतकं 24 :: उद्देशकः 3] [653 हरेणुयालोहीणं एएसि णं जे जीवा मूलत्ताए वकमंति, एवं एत्थवि दस उद्देसगा निरवसेसं बालुयवग्गसरिसागपंचमो वग्गो समत्तो॥२३-५॥ एवं एत्थ पंचसुवि वग्गेसु पन्नासं उद्दे सगा भाणियन्वा सव्वत्थ देवा ण उववजंतित्ति तिन्नि लेसायो / सेवं भंते ! 2 त्ति जाव.विहरति॥ तेवीसइमं सयं समत्तं // 23 // // सूत्रं 612 // . // अथ चतुर्विंशतितमशतके उत्पादाख्य-प्रथमोइशकः // ___उववायपरीमाणं संघयणुच्चत्तमेव संठाणं / लेस्सा दिट्ठी णाणे अन्नाणे जोग उवथोंगे // 1 // सन्नाकसायइंदियसमुग्घाया वेदणा य वेदे य / बाउं अज्झवसाणा अणुबंधो कायसंवेहो // 2 // जीवपदेजीवपदे जीवाणं दंडगंमि उद्देसो। चवीसतिमंमि सए चउव्वीसं होंति उद्देसा॥३॥ ___रायगिहे जाव एवं वयासी-णेरइयाणं भंते ! कयोहितो उववज्जति कि नेरइएहितो उववज्जति तिरिक्खजोणिएहितो उववज्जति मणुस्सेहितो उववज्जंति देवेहितो उववज्जति ?, गोयमा / णो नेरइंएहितो उववज्जति तिरिक्खजोणिएहितोवि उववज्जति मणुस्सेहितोवि उववज्जति णो देवेहितो उववज्जति 1 / जइ तिरिक्खजोणिएहितो उववज्जति किं एगिदिय-तिरिक्खजोणिएहितो उपवज्जति बेइंदिय-तिरिक्खजोणिएहितो उववज्जति तेइंदिय-तिरिक्खजोणिएहितो उपवज्जति चरिंदिय-तिरिक्खजोणिएहितो उववज्जति पंचिंदिय-तिरिक्खजोगिएहितो उववज्जति ?, गोयमा ! नो एगिदिय-तिरिक्खजोणिएहितो उववज्जति णो दिय-तिरिक्खजोएहितो उववज्जति णो तेइंदिय-तिरिक्खजोणिएहिंतो उववज्जति णो चउरिदियतिरिक्खजोणिएहिती उववज्जति पंचिंदिय-तिरिक्खजोणिहितो उववज्जति 2 / जइ पंचिंदिय-तिरिक्खजोणिएहितो उववज्जति किं सन्निपंचिंदियतिरिक्खजोणिएहितो उववज्जति असन्निपंचिदिय-तिरिक्जोणिएहितो उववजंति ?, गोयमा ! सन्निपंचिंदिय-तिरिक्खजोणिएहितो उपवज्जति
