________________ 632 ) ( श्रीमदागमसुधासिन्धुः // तृतीयो विभागः देसे लहुए देसा सीया देसे उसिणे देमे निद्धे देसे लुक्खे 4 देसे कक्खडे देसे मउए देसे गरुए देसे लहुए. देसा सीया देसा उसिणा देसे निद्धे देसे लुक्खे 4 एए चत्तारि चउका सोलस भंगा 1, देसे कक्खडे देसे मउए देसे गरुए देसा लहुया देसे सीए देसे उसिणे देसे निद्धे देसे लुक्खे, एवं एते गरुएणं एगत्तएणं लहुएणं पोहत्तएणं सोलस भंगा कायव्वा 2, देसे कक्खडे देसे मउए देसा गरुया देसे लहुए देसे सीए देसे उसिणे देसे निद्धे देसे लुक्खे 4 एएवि सोलस भंगा कायव्वा 3, देसे कक्खडे देसे मउए देसा गरुया देसा लहुया देसे सीए देसे उसिणे देसे निद्धे देसे लुक्खे एतेवि सोलस भंगा कायव्वा 4, सव्वेऽवि ते चउसद्धिं भंगा कक्खडमउएहिं एगत्तएहिं, ताहे कक्खडेणं एगत्तएणं मउएणं पुहत्तेणं एते चउट्टि भंगा कायवा 11 / ताहे कक्खडेणं पुहत्तएणं मउएणं एगत्तएणं चउसर्टि भंगा कायवा 1, ताहे एतेहिं चेव दोहिवि पुहुत्तेहिं चउसट्टि भंगा कायव्वा 2, जाव देसा कक्खडा देसा मउया देसा गरुया देसा लहुया देसा सीया देसा उसिणा देसा निद्धा देसा लुक्खा एसो अपच्छिमो भंगो, सव्वेते अट्टफासे दो छप्पना भंगसया भवंति 12 / एवं एते बादरपरिणएं अणंतपएसिए खंधे सव्वेसु संजोएसु बारस छन्नउया भंगसया भवंति 13 // सू० 661 // कइविहे भंते ! परमाणु पनने ?, गोयमा ! चउब्विहे परमाणु पन्नत्ते, तंजहा-दव्बपरमाणू खेत्तपरमाणू कालपरमाणू भावपरमाणू 1 / दव्वपरमाणु णं भंते ! कइविहे पन्नत्ते ? गोयमा! चउबिहे पन्नत्ते, तंजहा-अच्छेज्जे अभेज्जे अडझे अगेज्मे 2 / खेत्तपरमाणू णं भंते ! कइविहे पन्नत्ते ?, गोयमा ! चउविहे पन्नते, तंजहा-अणद्धे अमज्झे अपदेसे अविभाइमे 3 / कालपरमाणू पुच्छा, गोयमा ! चउविहे पन्नत्ते, तंजहा-अवन्ने अगंधे अरसे अफासे 4 / भावपरमाणू णं भंते ! कइविहे पन्नत्ते ?. गोयमा ! चउविहे पन्नत्ते, तंजहा-चन्नमंते गंधर्मते रसमंते फासमंते 5 / सेवं भते 2
