________________ 614 [ श्रीमदागमसुधासिन्धुः / तृतीयो विभागः जस्स जइ लेस्सायो 21 / कइविहा णं भंते ! दिविनिव्वती पन्नत्ता ?, गोयमा ! तिविहा दिट्ठीनिव्वत्ती पन्नत्ता ?, तंजहा-सम्मादिटिनिव्वत्ती मिच्छादिविनिवत्ती सम्मामिच्छदिट्ठीनिव्वत्ती, एवं जाव वेमाणियाणं जस्स जइविहा दिट्ठी 22 / कतिविहा णं भंते ! णाणनिव्वत्ती पत्नत्ता ?. गोयमा ! पंचविहा णाणनिबत्ती पन्नता, तंजहा-श्राभिणिबोहिय-णाणनिव्वत्ती जाव केवलनाणनिव्वत्ती, एवं एगिदियवज्जं जाव वेमाणियाणं जस्स जइ णाणा 23 / कतिविहा णं भंते ! अन्नाणनिव्वत्ती पन्नत्ता ?, गोयमा ! तिविहा अन्नाणनिव्वत्ती पत्नत्ता, तंजहा-मइअन्नाणनिव्वत्ती सुयबन्नाणनिव्वत्ती विभंगनाणनिव्वत्ती, एवं जस्स जइ अन्नाणा जाव वेमाणियाणं 24 / कइविहा णं भंते ! जोगनिव्वत्ती पत्नत्ता ?, गोयमा ! तिविहा जोगनिव्वत्ती पन्नत्ता, तंजहा-मणजोगनिव्वत्ती वयजोगनिव्वत्ती कायजोगनिव्वत्ती, एवं जाव वेमाणियाणं जस्स जइविहो जोगो 25 / कइविहा भंते ! उवयोगनिव्वत्ती पन्नत्ता ?, गोयमा ! दुविहा उपयोगनिव्वत्ती पन्नत्ता, तंजहा-सागारोवयोगनिव्वत्ती अणागारोव योगनिव्वत्ती, एवं जाव वेमाणियाणं 26 / [ अत्र सङ्ग्रहगाथे वाचनान्तरे-जीवाणं निव्वत्ती कम्मप्पगडी सरीरनिव्वत्ती। सविदियनिबत्ती भासा य मणे कसाया य // 1 // वन्ने गंधे रसे फासे संगणविही य होइ बोद्धव्यो। लेसादिट्ठीणाणे उपयोगे चेव जोगे य // 2 // ] सेवं भंते ! 2 ति जाव विहरइ / / सूत्रं 656 // // इति एकोनविंशतितमशतके अष्टम उद्देशकः // 19-8 // ॥अथ एकोनविंशतितमशतके करणाख्य-नवमोद्देशकः॥ ___कहविहे गं भंते ! करणे पराणते ?, गोयमा ! पंचविहे करणे पन्नत्ते, तंजहा-दबकरणे खेत्तकरणे कालकर भवकरणे भावकरणे 1 / नेरइयाणं भंते ! कतिविहे करणे पन्नत्ते ?, गोयमा ! पंचविहे करणे पन्नत्ते,
