________________ 560 ] ( श्रीमदागमसुधासिन्धुः : तृतीयो विभागः 3 / कातेविहे णं भंते ! उबही पन्नत्ते ?. गोयमा ! तिविहे उवही पन्नत्ते, तंजहा-सचित्ते अचित्ते मीसए, एवं नेरइयाणवि, एवं निरवसेसं जाव वेमाणियाणं 4 / कतिविहे णं भंते ! परिग्गहे पत्नत्ते ?, गोयमा ! तिविहे परिग्गहे पत्नत्ते, तंजहा-कम्मपरिग्गहे सरीरपरिग्गहे बाहिरग-भंडमत्तोवगरणपरिग्गहे 5 / नेरइयाणं भंते ! एवं जहा उवहिणा दो दंडगा भणिया तहा परिग्गहेणवि दो दंडगा भाणियब्वा, [ ग्रन्थाग्रं 11000 ] 6 / कइविहे णं भंते ! पणिहाणे पन्नत्ते ?, गोयमा ! तिविहे पणिहाणे पन्नत्ते, तंजहामणपणिहाणे वइपणिहाणे कायपणिहाणे 7 / नेरझ्याणं भंते ! कइविहे पणिहाणे पन्नत्ते, एवं चेव एवं जाव थणियकुमाराणं 8 / पुढविकाइयाणं पुच्छा, गोयमा ! एगे कायपणिहाणे पन्नत्ते, एवं जाव वणस्सइकाइयाणं / बेइंदियाणं पुच्छा, गोयमा ! दुविहे पणिहाणे पन्नत्ते, तंजहा-बइपणिहाणे य कायपणिहाणे य, एवं जाव चउरिदियाणं, सेसाणं तिविहेवि जाव वेमाणियाणं 10 / कतिविहे णं भंते ! दुप्पणिहाणे पन्नत्ते ?, गोयमा ! तिविहे दुप्पणिहाणे पन्नत्ते, तंजहा-मणदुप्पणिहाणे जहेव पणिहाणेणं दंडगो भणियो तहेव दुप्पणिहाणेणवि भाणियब्वो 11 / कतिविहे णं भंते ! सुप्पणिहाणे पन्नते ?, गोयमा ! तिविहे सुप्पणिहाणे पन्नत्ते, तंजहा-मण. सुप्पणिहाणे वइसुप्पणिहाणे कायसुप्पणिहाणे 12 / मणुस्साणं भंते ! * कइविहे सुप्पणिहाणे पन्नत्ते ? एवं चेव जाव वेमाणियाणं 13 / सेवं भंते 2 जाव विहरति 14 / तए णं समणे भगवं महावीरे जाव बहिया जणवयविहारं विहरइ 15 // सूत्रं 633 // ते णं काले णं 2 रायगिहे नामं नगरे गुणसिलए चेइए वन्नयो नाव पुढविसिलापट्टयो, तस्स णं गुणसिलस्स चेइयस्स अदूरसामंते बहवे अन्नउत्थिया परिवति, तंजहा-कालोदायी सेलोदायी, एवं जहा सत्तमसए 1 / अन्नउत्थिउद्देसए जाव से कहमेयं मन्ने एवं ?. तत्थ णं रायगिहे नगरे मद्दुए नामं समणोवासए परिवसति अड्डे जाव अपरि
