________________ श्रीमद्व्याख्याप्रज्ञाप्त (श्रीमद्भगवति) सूत्र : शतकं 18 : उद्देशकः 4] [585 चत्तारि जुम्मा पन्नत्ता, तंजहा-कडजुम्मे तेयोगे दावरजुम्मे कलियोगे 2 / से केण?णं भंते ! एवं वुच्चइ जाव कलियोए ?, गोयमा ! जे णं रासीचउकएणं अबहारेणं अबहीरमाणे चउपजवसिए सेत्तं कडजुम्मे, जे णं रासी चउक्कएणं अवहारेणं अवहीरमाणे तिपन्जवसिए सेत्तं तेयोए, जे णं रासी चउक्कएणं अवहारेणं अवहीरमाणे दुपजवसिए सेत्तं दावरजुम्मे, जे णं रासी चउक्कएणं अवहारेणं अवहीरमाणे एगपजवसिए सेत्तं कलियोगे, से तेणटेणं गोयमा ! एवं वुच्चइ जाव कलियोए 3 / नेरइया णं भंते ! किं कडजुम्मा तेयोगा दावरजुम्मा कलियोगा 4 ?, गोयमा ! जहन्नपदे कडजुम्मा उक्कोसपदे तेयोगा अजहन्नुकोसपदे सिय कडजुम्मा 1 जाव सिय कलियोगा 4, एवं जाव थणियकुमारा 4 / वणस्सइकाइयाणं पुच्छा, गोयमा ! जहन्नपदे अपदा उक्कोसपदे य अपदा अजहन्नुकोसियपदे सिय कडजुम्मा जाव सिय कलियोगा 5 / बेइंदिया णं पुच्छा, गोयमा ! जहन्नपदे कडजुम्मा उक्कोसपदे दावरजुम्मा, अजहन्न-मणुक्कोसपदे सिय कडजुम्मा जाव सिय कलियोगा 6 / एवं जाव चतुरिंदिया, सेसा एगिदिया जहा बेदिया, पंबिंदियतिरिक्खजोणिया जाव वेमाणिया जहा नेरइया, सिद्धा जहा वणस्सइकाइया 7 / इत्थीयो णं भंते ! किं कडजुम्मा जाव कलियोगा ?, गोयमा ! जहन्नपदे कडजुम्मायो उक्कोसपदे सिय कडजुम्मायो अजहन्नमणुकोसपदे सिय कडजुम्मायो जाव सिय कलियोगायो 8 / एवं असुरकुमारित्थीयोवि जाव थणियकुमारइत्थीयो, एवं तिरिक्खजोणियइत्थीयो एवं मणुसिस्थीयो एवं जाव वाणमंतरजोइसियवेमाणियदेविस्थीयो 1 // सूत्रं 624 // जावतियाणं भंते ! वरा अंधगवरिहणो जीवा तावतिया परा अंधगवरािहणो जीवा ?, हंता गोयमा! जावतिया वरा अंधगवरिहणो जीवा तावतिया परा अंधगवरिहणो जीवा 1 / सेवं भंते 2 ति जाव विहरति 2 // सूत्रं 625 // . // इति अष्टादशमशतके चतुर्थ उद्देशकः // 18-4 //
