________________ श्रीमन्याख्याप्रज्ञप्ति (श्रीमद्भगवति) सूत्र :: शतकं 15:: उद्देशकः 15 ] [ 565 अनउत्थिया णं भंते ! एवमाइक्खंति जाव परुति-एवं खलु पाणातिवाए मुसावाए जाव मिच्छादंसणसल्ले वट्टमाणस्स अन्ने जीवे अन्ने जीवाया पाणाइवायवेरमणे जाव परिग्गहवेरमणे कोहविवेगे जाव मिच्छादसणसालविवेगे वट्टमाणस्स अन्ने जीवे अन्ने जीवाया, उप्पत्तियाए जाव परिणामियाए वट्टमाणस्स अन्ने जीवे अन्ने जीवाया, उप्पत्तियाए उग्गहे ईहा अवाए धारणाए वट्टमाणस्स जाव जीवाया, उट्ठाणे जाव परक्कमे वट्टमाणस्स जाव जीवाया, नेरइयत्ते तिरिक्खमणुस्सदेवत्ते वट्टमाणस्स जाव जीवाया, नाणावरणिज्जे जाव अंतराइए वट्टमाणस्स जाव जीवाया, एवं कराहलेस्साए जाव सुकलेस्साए सम्मदिट्ठीए 3 एवं चक्खुदंसणे 4 श्राभिणिबोहियनाणे 5 मतिअन्नाणे 3 अाहारसन्नाए 4 एवं श्रोरालियसरीरे 5 एवं मणजोए 3 सागारोवोगे अणागारोवयोगे वट्टमाणस्स अण्णे जीवे अन्ने जीवाया, से कहमेयं भंते ! एवं ?, गोयमा ! जगणं ते अन्नउत्थिया एवमाइक्खंति जाव मिच्छं ते एवमाहंसु, अहं पुण गोयमा ! एवमाइक्खामि जाव परूवेमि-एवं खलु पाणातिवाए जाव मिच्छादसणसल्ले वट्टमाणस्स सच्चेव जीवे सच्चेव जीवाया जाव अणागारोवोगे वट्टमाणस्स सच्चेव जीवे सच्चेव जीवाया / / सूत्रं 516 // देवे णं भंते ! महड्डीए जाव महेसक्खे पुवामेव रुवी भवित्ता पभू अरूविं विउवित्ताणं चिट्टित्तए ?, णो तिण? समढे 1 / से केण?णं भंते ! एवं वुच्चइ देवे णं जाव नो पभू अरूविं विउवित्ताणं चिट्ठित्तए ?, गोयमा ! अहमेयं जाणामि अहमेयं पासामि अहमेयं बुज्झामि अहमेयं अभिसमन्नागच्छामि, मए एयं नायं मए एयं दिट्ठ मए एवं बुद्धं मए एवं अभिसमन्नागयं, जराणं तहागयस्स जीवस्स सरूविस्स सकम्मस्स सरागस्स सवेदस्स समोहस्स सलेसस्स ससरीरस्स तायो सरीरात्रो 16
