________________ 532 ] . [ श्रीमदागमसुधासिन्धुः / तृतीयो विभागः एवं. वदेहिंति-जम्हा णं देवाणुप्पिया! अम्हं महापउमस्स रन्नो दो देवा महड्डिया जाव सेणाकम्मं करेंति तंजहा-पुन्नभद्दे य माणिभदे य, तं होउ णं देवाणुप्पिया ! अम्हं महापउमस्स रनो दोच्चंपि नामधेज्जे देवसेणे 2, तए णं तस्स महापउमस्स रन्नो दोच्चेवि नामधेज्जे भविस्सति देवसेणेति 2, 6 / तए णं तस्स देवसेणस्स रनो अन्नया कयाई सेते संखदल-विमलसन्निगासे चउहते हस्थिरयणे समुप्पजिस्सइ 7 / तए णं से देवसेणे राया तं सेयं संखतलविमलसन्निगासं चउद्दतं हत्थिरयणं दूरूढे समाणे सयदुवारं नगरं मझमज्झेणं अभिक्खणं 2 अतिजाहिति निजाहिति य, तए णं सयदुवारे नगरे बहवे राईसर जाव पभिईयो अन्नमन्नं सदावेंति 2 वदेहिति-जम्हा णं देवाणुप्पिया ! अम्हं देवसेणस्स रन्नो सेते संखतल-विमल सन्निकासे चद्दते हुत्थिरयणे समुप्पन्ने, तं होउ णं देवाणुप्पिया ! अम्हं देवसेणस्स रन्नो तच्चेवि नामधेज्जे विमलवाहणे 2, तए णं तस्स देवसेणस्स रन्नो तच्चेवि नामधेज्जे विमलवाहणेत्ति 8 | तए णं से विमलवाहणे राया अन्नया कदायि समणेहिं निग्गंथेहि मिच्छ विप्पडिवजिहिति अप्पेगतिए बाउसेहिति अप्पेगतिए अवहसिहिति अप्पेगतिए निच्छोडेहिति अप्पेगतिए निब्भत्थेहिति अप्पेगतिए बंधेहिति अप्पेगतिए णिरु भेहिति अप्पेगतियाणं छविच्छेदं करेहिति अप्पेगतिए पमारेहिइ अप्पेगतियाणं उद्दवेहिति अप्पेगतियाणं वत्थं पडिग्गहं कंबल पायपुछणं याच्छिदिहिति विञ्छिदिहिति भिदिहिति अवहरिहिति अप्पेगतियाणं भत्तपाणं वोच्छिदिहिति अप्पेगतिए णिनगरे करेहिति अप्पेगतिए निविसए करहिति 1 / तए णं सयदुवारे नगरे बहवे राईसर जाव वदिहिंति-एवं खलु देवाणुप्पिया! विमलवाहणे राया समोहिं निग्गंथेहि मिच्छ विप्पडिवन्ने अप्पेगतिए पाउस्सति जाव निविसए करेति, तं नो खलु देवाणुप्पिया ! एवं अम्हं सेयं नो खलु एवं विमलवाहणस्स रनो सेये नो खलु पये रजस्स वा
