________________ श्रीमदागमसुधासिन्धुः द्वितीयो विभागः पसंतसाहरिय-पाणिपाया अंजलि-मउलियहत्था) पन्जुवासंति। वाइयाएजं जं भगवं वागरेति (तं तं)-एवमेयं भंते ?, तहमेयं भंते !, अवितहमेयं भंते !, असंदिद्धमेयं भंते ! इच्छियमेयं भंते !, पडिच्छियमेयं भंते !, इच्छियपडिच्छियमेयं भंते !, सच्चे णं एसम8, से जहेयं तुब्भे वदह-वायाए अंपडिकुलेमाणे पज्जुवासंति, "माणसियाए महया संवेगं जणयंता(इत्ता) तिव्वधम्माणुरागरत्ता विगह-विसोत्तिय-परिवजियमई (तचित्ता तम्मणा तल्लेस्सा तयझवसिया तत्तिव्वज्झवसाणा तदप्पियकरणा तयट्ठोवउत्ता तभावणभाविया एगमणा अविमणा अणन्नमणा जिणवयण-धम्माणुरागरत्तमणा वियसिय-वर-कमल-नयण-वयणा) अन्नत्थ कथइ मणं अकुब्वमाणा विणएणं पज्जुवासंति // सू० 101 // तए णं ते थेरा भगवंतो तेसिं समणोवासयाणं तीसे य महतिमहालियाए परिसाए चाउज्जामं धम्म परिकहेंति जहा केसिलामिस्स जाव समणोवासियत्ताए आणाए बाराहगे भवति जाव धम्मो कहियो 1 / तए णं ते समणोवासया थेराणं भगवंताणं अंतिए धम्मं सोचा निसम्म हट्ट तुट्ट जाव हयहियया तिक्खुत्तो पायाहिणप्पयाहिणं करेंति 2 जाव तिविहाए पज्जुयासणाए पज्जुवासति 2 एवं वदासी-संजमे णं भंते ! किंफले ? तवे णं भंते / किंफले ?, तए णं ते थेरा भगवंतो ते समणोवासए एवं वदासी-संजमें णं अजो ! अणराहयफले तवे वोदाणफले 2 / तए णं ते समणोवासया थेरे भगवंते एवं वदासी-जति णं भंते ! संजमे अणराहयफले तवे वोदाणफले, किंपत्तियं णं भंते ! देवा देवलोएसु उववज्जंति, तत्थ णं कालियापुत्ते नाम थेरे ते समणोवासए एवं वदासीपुब्बतवेणं अजो ! देवा देवलोएसु उववज्जति, तत्थ णं मेहिले नाम थेरे ते समणोवासए एवं वदासी-पुब्वसं जमेणं अजो! देवा देवलोएसु उववजंति, तत्थ णं आणंदरक्खिए णाम थेरे ते समणोवासए एवं वदासी-कम्मियाए अजो ! देवा देवलोएसु उववज्जति, ताथ णं कासवे णामं थेरे ते समणो
