________________ श्रीमव्याख्याप्रज्ञप्ति (श्रीमद्भगवति) सूत्रं : शतक 1 :: उ०८] [37 नेरइएसु उववजइ णो तिरियाउयं किच्चा तिरिएसु उववजइ णो मणुस्साउयं किचा मणुस्सएसु उववजइ देवाउयं किच्चा देवेसु उववजइ, से केणटेणं जाव देवाउयं किचा देवेसु उववज्जइ ?, गोयमा ! एगंतपंडियस्स णं मणुस्सस्स केवलमेव दो गईश्रो पन्नायंति, तंजहा-अंतकिरिया चेव कप्पोववत्तिया चेव, से तेण?णं गोयमा ! जाव देवाउयं किच्चा देवेसु उववज्जइ 1 / बालपंडिएणं भंते ! मगुस्से कि नेरइयाउयं पकरेइ जाव देवाउयं किच्चा देवेसु उववज्जइ ?, गोयमा ! नो नेरइयाउयं पकरेइ जाव देवाउयं किच्चा देवेसु उववजइ, से केणटेणं जाव देवाउयं किच्चा देवेसु उववजइ ?,गोयमा ! बालपंडिए णं मणुस्से तहारूवस्स समणस्स वा माहणस्स वा अंतिए एगमवि पारियं धम्मियं सुवयणं सोचा निसम्म देसं उवरमइ देसं नो उवरमइ देसं पञ्चक्खाइ देसं णो पञ्चक्खाइ, से तेण?णं देसोवरम देसपञ्चक्खाणेणं नो नेरझ्याउयं पकरेइ जाव देवाउयं किच्चा देवेसु उववजइ, से तेण?णं जाव देवेसु उववजइ 2 // सू० 64 // पुरिसे णं भंते ! कच्छसि वा 1 दहंति वा 2 उदगंसि वा 3 दवियंसि वा 4 वलयंसि वा 5 नूमंसि वा 6 गहणंसि वा 7 गहणविदुग्गंसि वा 8 पव्वयंसि वा 1 पव्वयविदुग्गंसि वा 10 वणंसि वा 11 वणविदुगंसि वा 12 मियवित्तीए मियसंकप्पे मियपणिहाणे मियवहाए गंता एए मिएत्तिकाउं अन्नयरस्स मियस्स वहाए कूडपासं उद्दाइ, ततो णं भंते ! से पुरिसे कतिकिरिए पराणते ?, गोयमा ! जावं च णं से पुरिसे कच्छंसि वा 12 जाव कूडपासं उद्दाइ तावं च णं से पुरिसे सिय तिकिरिए सिय चउकिरिए सिय पचकिरिए, से केण?णं भंते ! सिय तिकिरिए सिय चउकिरिए सिय पंचकिरिए ?, गोयमा ! जे भविए उद्दवणयाए णो बंधणयाए णो मारणयाए तावं च णं से पुरिसे काइयाए अहिगरणियाए पाउसियाए तिहिं किरियाहिं पुढे, जे भविए उद्दवणयाएवि बंधणयाएवि णो मारणयाए तावं च णं से पुरिसे काइयाए अहिगरणियाए पाउसियाए पारियावणियाए
