________________ 358] श्रीमदागमसुधासिन्धुः / द्वितायो विभागः जाव उबवन्ना, जप्पभिई च णं भंते ! पालासिगा तायत्तीससहाया गाहावई समणोवासगा सेसं जहा चमरस्स जाव उववज्जति 11 / अस्थि णं भंते ! ईसाणस्स एवं जहा सकस्स नवरं चपाए नयरीए जाव उववन्ना, जप्पभिई च णं भंते ! चंपिजा तायत्तीसं सहाया, सेसं तं चेव जाव अन्ने उववज्जति 12 / अस्थि णं भंते ! सणंकुमारस्स देविंदस्स देवरन्नो पुच्छा, हंता अत्थि, से केण?णं जहा धरणस्स तहेव एवं जाव पाणयस्स एवं अच्चुयस्स जाव अन्ने उववज्जति 13 / सेवं भंते ! सेवं भंते ! ति जाव विहरति 14 // सूत्रं 404 // दसमस्स चउत्थो॥ ॥इति दशमशतके चतुर्थ उद्देशकः // 10-4 // // अथ दशमशतके देवीनामक-पञ्चमोद्देशकः // तेणं कालेणं तेणं समएणं रायगिहे नामं नगरे गुणसिलए चेइए जाव परिसा पडिगया 1 / तेणं कालेणं तेणं समएणं समणस्स भगवत्रो महावीरस्स बहवे अंतेवासी थेरा भगवंतो जाइसंपन्ना जहा अट्ठमे सए सत्तमुद्दे सए जाव विहरंति 2 / तए णं ते थेरा भगवंतो जायसड्डा जाय संसया जहा गोयमसामी जाव पज्जुवासमाणा एवं वयासी-चमरस्स णं भंते ! असुरिंदस्स असुरकुमाररनो कति अग्गमहिसीओ पत्नत्तायो ?, जो ! पंच अग्गमहिसीओ पन्नत्तायो, तंजहा-काली रायी रयणी विज्जु मेहा, तत्य णं एगमेगाए देवीए अट्ठ देवीसहस्सा परिवारो पन्नत्तो 3 / पभू णं भंते ! तायो एगमेगा देवी अन्नाइं अट्ठदेवीसहस्साइं परिवारं विउवित्तए ?, एवामेव सपुधावरेणं चत्तालीसं देवीसहस्सा, से तं तुडिए 4 / पभू णं भंते ! चमरे असुरिदे असुरकुमारराया त्रमरचंचाए रायहाणीए सभाए चमरंसि सीहासणंसि तुडिएणं सद्धिं दिव्वाइं भोगभोगाइं भुजमाणे विहरित्तए ?, णो तिण? समढे 5 / से केण?णं भंते ! एवं वुच्चइ नो पभू चमरे असुरिंदे चमरचंचाए
